ഫുട്‌ബോളിൽ നിന്നു വിരമിക്കാൻ സ്പാനിഷ് ഇതിഹാസതാരം ഡേവിഡ് സിൽവ. നിലവിൽ റയൽ സോസിഡാഡ് താരമായ സിൽവക്ക് കഴിഞ്ഞ ദിവസം എ.സി.എൽ ഇഞ്ച്വറി നേരിട്ടിരുന്നു. തുടർന്ന് ആണ് 37 കാരനായ താരം വിരമിക്കുന്നത് ആയി റിപ്പോർട്ടുകൾ വന്നത്.
സ്‌പെയിൻ കണ്ട എക്കാലത്തെയും മഹാനായ താരങ്ങളിൽ ഒരാൾ ആയി കണക്ക് കൂട്ടുന്ന മധ്യനിര താരം ഇംഗ്ലീഷ് ക്ലബ് മാഞ്ചസ്റ്റർ സിറ്റിയിൽ ആണ് ദീർഘകാലം കളിച്ചത്. മാഞ്ചസ്റ്റർ സിറ്റി ഇതിഹാസം ആയി കണക്ക് കൂട്ടുന്ന താരം അബുദാബി ഉടമകൾ ഉണ്ടായ ശേഷം ഉണ്ടായ സിറ്റിയുടെ വലിയ നേട്ടങ്ങളിൽ നിർണായക പങ്ക് വഹിച്ച താരമാണ്. താരം നേരത്തെ തന്നെ സ്പാനിഷ് ദേശീയ ടീമിൽ നിന്നു വിരമിച്ചിരുന്നു.
