തന്റെ മാഞ്ചസ്റ്റർ യുണൈറ്റഡ് കരിയറിലെ ആദ്യ ട്രോഫി നേടിയ ബ്രൂണോ ഫെർണാണ്ടസ് ഇതുകൊണ്ട് താനും ടീമും തൃപ്തനല്ല എന്ന് പറഞ്ഞു. ഈ കിരീടത്തിനായി കുറേ കാലമായി ടീം ശ്രമിക്കുന്നു. കിരീടം ലഭിച്ചതിൽ താൻ സന്തോഷവനാണ്. ഇത് ഒരു വലിയ ഫീലൊംഗ് ആണ് ഇന്ന് മാഞ്ചസ്റ്റർ യുണൈറ്റഡിന്റെ ക്യാപ്റ്റൻ ആം ബാൻഡ് അണിഞ്ഞ ബ്രൂണോ ഫെർണാണ്ടസ് പറഞ്ഞു. എന്നാൽ ഈ ഒരു കിരീടം കൊണ്ട് തൃപ്തനാകാൻ ആകില്ല. ഇനിയും ഒരുപാട് കിരീടങ്ങൾ ഈ ടീം അർഹിക്കുന്നുണ്ട് ബ്രൂണോ പറഞ്ഞു.
ഈ ക്ലബിന്റെ നിലവാരത്തിന് ഒരു കിരീടം പോരാ എന്നും സ്ഥിരമായി നിരന്തരം കിരീടങ്ങൾ നേടേണ്ടതുണ്ട് എന്നും ബ്രൂണോ പറഞ്ഞു. ഈ സീസണിൽ ഒരു കിരീടം ആയെന്നും അടുത്ത കിരീടത്തിനായുള്ള അന്വേഷണമാണ് ഇനി എന്നും ബ്രൂണോ പറഞ്ഞു. മാഞ്ചസ്റ്റർ യുണൈറ്റഡിൽ എത്തിയ ശേഷം ആദ്യമായാണ് ബ്രൂണോ ഫെർണാണ്ടസും ടീമും ഒരു കിരീടം സ്വന്തമാക്കുന്നത്. 2017 ആയിരുന്നു ഇതിനു മുമ്പ് യുണൈറ്റഡ് കിരീടം നേടിയത്.
