ഇന്ത്യൻ ഫുട്ബോൾ ടീം അടുത്ത മാസം നേപ്പാളുമായി സൗഹൃദ മത്സരങ്ങൾ കളിക്കും. സെപ്റ്റംബറിൽ നേപ്പാളും ഇന്ത്യയുമായി രണ്ട് അന്താരാഷ്ട്ര സൗഹൃദ മത്സരങ്ങൾ കളിക്കുമെന്ന് നേപ്പാൾ ഫുട്ബോൾ അസോസിയേഷൻ ഇന്ന് സ്ഥിരീകരിച്ചു. സെപ്റ്റംബർ 2, 5 തീയതികളിൽ ആകും മത്സരം. നേപ്പാളിലെ കാഠ്മണ്ഡുവിലെ ദശരഥ് സ്റ്റേഡിയം കളിക്ക് ആതിഥേയത്വം വഹിക്കും.
ഈ മത്സരങ്ങൾക്ക് മുന്നോടിയായി ഓഗസ്റ്റ് 15 മുതൽ ഇന്ത്യൻ ഫുട്ബോൾ ടീം ക്യാമ്പ് ആരംഭിക്കും. ഇന്ത്യയും നേപ്പാളും സാഫ് കപ്പിനായുള്ള ഒരുക്കത്തിലാണ്. ഈ സൗഹൃദ മത്സരങ്ങൾ സാഫ് കപ്പിനായി ഒരുങ്ങാൻ സഹായിക്കുൻ എന്ന് ഇന്ത്യ കരുതുന്നു. നേപ്പാളിൽ 2015ൽ ആണ് ഇന്ത്യ അവസാനം ഫുട്ബോൾ കളിച്ചത്. അന്ന് ഇന്ത്യ നേപ്പാളുമായി ഗോൾ രഹിത സമനില വഴങ്ങിയിരുന്നു.
