ഫ്രാൻസിന് ആയുള്ള ഗോൾ വേട്ടയിൽ സാക്ഷാൽ തിയറി ഒൻറിക്ക് ഒപ്പമെത്തി ഒളിവർ ജിറൂദ്

ഫ്രാൻസിന്റെ എക്കാലത്തെയും മഹത്തായ ഗോൾ വേട്ടക്കാരൻ എന്ന റെക്കോർഡിനു ഒളിവർ ജിറൂദിന് ഇനി ഒരു ഗോൾ മാത്രം മതി. ഇന്നു ഖത്തർ ലോകകപ്പിൽ തങ്ങളുടെ ആദ്യ മത്സരത്തിൽ ഓസ്‌ട്രേലിയക്ക് എതിരായ 4-1 ന്റെ വിജയത്തിൽ ഇരട്ടഗോളുകൾ നേടിയ ഒളിവർ ജിറൂദ് ഒൻറിയുടെ 51 ഗോളുകൾ എന്ന റെക്കോർഡിന് ഒപ്പമെത്തി. 123 മത്സരങ്ങളിൽ 51 ഗോളുകൾ നേടിയ ഒൻറിയുടെ റെക്കോർഡിനു ഒപ്പം ഇന്ന് ജിറൂദ് എത്തുക ആയിരുന്നു.

കഴിഞ്ഞ ലോകകപ്പിൽ ഫ്രാൻസ് കിരീടം നേടാൻ നിർണായക പങ്ക് വഹിച്ചു എങ്കിലും ഒരു ഗോൾ പോലും നേടാൻ ആവാത്ത നിരാശ ഖത്തർ ലോകകപ്പിലെ ആദ്യ മത്സരത്തിൽ തന്നെ തീർത്തു. ഇരട്ടഗോളുകൾ കണ്ടത്തി റെക്കോർഡ് നേട്ടത്തിന് ഒപ്പവും താരം എത്തി. 115 മത്സരങ്ങളിൽ നിന്നാണ് താരം 51 ഗോളുകളിൽ എത്തിയത്. ലോകകപ്പിൽ തന്നെ ഇതിഹാസതാരത്തിന്റെ റെക്കോർഡ് തകർക്കാൻ ആവും എ.സി മിലാൻ താരത്തിന്റെ ശ്രമം.