Category: World Cup

താൻ എപ്പോൾ എങ്ങനെ കളിക്കണം എന്നതിൽ എനിക്ക് വ്യക്തതയുണ്ട് എന്ന് രോഹിത് ശർമ്മ. ബാറ്ററായി താൻ എന്താണ് ചെയ്യേണ്ടതെന്ന് തനിക്ക് വ്യക്തമാണെന്ന് ഇന്ത്യൻ ക്യാപ്റ്റൻ പറഞ്ഞു. മത്സരത്തിന് മുമ്പുള്ള വാർത്താ സമ്മേളനത്തിൽ സംസാരിച്ച രോഹിത്, ലോകകപ്പിൽ ഒരു നിശ്ചിത രീതിയിൽ കളിക്കാൻ ആഗ്രഹിക്കുന്നുവെന്നും എന്നാൽ തന്റെ സമീപനം വിജയിച്ചില്ലെങ്കിൽ വേറെ പദ്ധതികളുണ്ടെന്നും പറഞ്ഞു.

“ലോകകപ്പ് ആരംഭിക്കുന്നതിന് മുമ്പ്, ഒരു പ്രത്യേക രീതിയിൽ കളിക്കാൻ ഞാൻ ആഗ്രഹിച്ചു. അത് നടക്കുമോ ഇല്ലയോ എന്നൊന്നും എനിക്കറിയില്ലായിരുന്നു. ഒരു ഗെയിമിൽ അത് നടന്ന അടുത്ത ഗെയിമിൽ ഞാൻ അത് ചെയ്യുന്നത് തുടരുമെന്നും, അത് അഥവാ വിജയിച്ചില്ല എങ്കിൽ പകരം തനിക്ക് ഒരു പ്ലാം ഉണ്ടായിരുന്നു. പ്രണ്ടിനും എനിക്ക് പ്ലാൻ ഉണ്ടായിരുന്നു, ”രോഹിത് പറഞ്ഞു.

“എന്നാൽ എനിക്ക് എന്താണ് പ്രധാനമെന്ന് നോക്കുക, കാരണം ഞാൻ ഇന്നിംഗ്‌സ് ആരംഭിക്കുന്നു, എനിക്ക് പോയി സ്വയം പ്രകടിപ്പിക്കാൻ അവിടെ കുറച്ച് സ്വാതന്ത്ര്യമുണ്ട്, പക്ഷേ ഇംഗ്ലണ്ടിനെതിരായ ആ കളിയിൽ എനിക്ക് എന്റെ കളിയിൽ അൽപ്പം മാറ്റം വരുത്തേണ്ടിവന്നത് നിങ്ങൾ കണ്ടിരിക്കണം. അന്ന് ഞങ്ങൾക്ക് കുറച്ച് വിക്കറ്റുകൾ നഷ്ടപ്പെട്ടു, അതുകൊണ്ട് എന്റെ കളിയിൽ അൽപ്പം മാറ്റം വരുത്തേണ്ടി വന്നു. അതും ചെയ്യാൻ ഞാൻ തയ്യാറാണ്,” രോഹിത് കൂട്ടിച്ചേർത്തു.

“ഒരു ബാറ്റർ എന്ന നിലയിൽ ഞാൻ എന്താണ് ചെയ്യാൻ ആഗ്രഹിക്കുന്നതെന്ന് എനിക്ക് വ്യക്തമാണ്, ”രോഹിത് പറഞ്ഞു.

ഓസ്ട്രേലിയയിൽ അല്ല സ്വന്തം പ്രകടനത്തിൽ ആകും ഇന്ത്യയുടെ ശ്രദ്ധ എന്ന് ഇന്ത്യൻ ക്യാപ്റ്റൻ രോഹിത് ശർമ്മ. ടൂർണമെന്റിലെ അവസാന എട്ട് മത്സരങ്ങളും വിജയിച്ച ഓസ്‌ട്രേലിയ ഈ ലോകകപ്പിൽ ആധിപത്യം പുലർത്തുന്ന ടീം തന്നെയാണ് എന്നും രോഹിത് ശർമ്മ കരുതുന്നു. “അവർ തങ്ങളുടെ അവസാന എട്ട് മത്സരങ്ങളും വിജയിക്കുകയും അവർ നന്നായി കളിക്കുകയും ചെയ്തു. അതിനാൽ, ഇത് ഒരു നല്ല മത്സരമായിരിക്കും. ഫൈനൽ കളിക്കാൻ ഇരു ടീമുകളും അർഹരാണ്. ഓസ്‌ട്രേലിയയ്‌ക്ക് എന്തുചെയ്യാനാകുമെന്നതിന്റെ പ്രാധാന്യം ഞങ്ങൾ മനസ്സിലാക്കുന്നു,” രോഹിത് മത്സരത്തിന് മുമ്പുള്ള പത്രസമ്മേളനത്തിൽ പറഞ്ഞു.

അതേസമയം, എതിരാളികളെ കുറിച്ച് ഇന്ത്യ കൂടുതൽ ആശങ്കപ്പെടേണ്ടതില്ലെന്ന് രോഹിത് പറഞ്ഞു. പകരം, സ്വന്തം പദ്ധതികളിൽ ശ്രദ്ധ കേന്ദ്രീകരിക്കാൻ ആഗ്രഹിക്കുന്നുവെന്ന് അദ്ദേഹം പറഞ്ഞു.

“ഞങ്ങളെ സംബന്ധിച്ചിടത്തോളം, ഒരു ടീമെന്ന നിലയിൽ ഞങ്ങൾ എന്താണ് ചെയ്യാൻ ആഗ്രഹിക്കുന്നത് എന്നതാണ് പ്രധാനം, ഈ ടൂർണമെന്റിൽ ഞാൻ മുമ്പ് പലതവണ പറഞ്ഞിട്ടുണ്ട്, ഇപ്പോളും ഞാൻ ഇത് തന്നെ പറയും, എതിരാളിയെ കുറിച്ച് വിഷമിക്കേണ്ടതില്ല” – അദ്ദേഹം പറഞ്ഞു.

“നമുക്ക് പ്രധാനപ്പെട്ട കാര്യങ്ങളിൽ ഞങ്ങൾ ശ്രദ്ധ കേന്ദ്രീകരിക്കേണ്ടതുണ്ട്, ഒരു ടീമെന്ന നിലയിലും കളിക്കാരെന്ന നിലയിലും ഞങ്ങൾ എന്താണ് ചെയ്യേണ്ടത്, ഞങ്ങൾ അതിൽ ഉറച്ചുനിൽക്കും,” രോഹിത് കൂട്ടിച്ചേർത്തു.

രോഹിത് ശർമ്മയാണ് ഈ ലോകകപ്പിലെ ഏറ്റവും മികച്ച താരം എന്ന് വെറ്ററൻ വിക്കറ്റ് കീപ്പിംഗ് ബാറ്റർ ദിനേശ് കാർത്തിക്. ഈ ക്രിക്കറ്റ് ലോകകപ്പിലെ മോസ്റ്റ് വാല്യുബിൾ കളിക്കാരനായി അദ്ദേഹത്തെ താൻ കണക്കാക്കുന്നു എന്നും കാർത്തിക് പറഞ്ഞു. ബാറ്റു കൊണ്ട് മാത്രമല്ല അദ്ദേഹം ക്യാപ്റ്റനെന്ന നിലയിലും തിളങ്ങിയിട്ടുണ്ടെന്നും കാർത്തിക് കൂട്ടിച്ചേർത്തു. 10 മത്സരങ്ങളിൽ നിന്ന് 550 റൺസ് നേടാൻ രോഹിതിന് ഇതുവരെ ആയിട്ടുണ്ട്‌.

“എന്റെ എംവിപി രോഹിത് ശർമ്മയാണ്. മികച്ച തുടക്കമാണ് അദ്ദേഹം ടീമിന് എപ്പോഴും നൽകിയത്. എങ്ങനെ ചെയ്യണം എന്നതിന്റെ മാതൃക അദ്ദേഹം കാണിച്ചുതന്നു. ഒരു നായകൻ എന്ന നിലയിലും അദ്ദേഹം മിടുക്കനാണ്,” കാർത്തിക് പറഞ്ഞു.

രോഹിത് ശർമ്മ ഉൾപ്പെടെ ഇന്ത്യയുടെ നാലു താരങ്ങൾ ഈ ലോകകപ്പിലെ മികച്ച താരമാകാനുള്ള ലിസ്റ്റിൽ ഇടം നേടിയിട്ടുണ്ട്. രോഹിത് ശർമ്മ, ബുമ്ര, വിരാട് കോഹ്ലി, മുഹമ്മദ് ഷമി എന്നിവരാണ് ഷോർട്ട് ലിസ്റ്റിൽ ഉള്ള മറ്റു താരങ്ങൾ.