ഷോണ്‍ മാര്‍ഷും ഉസ്മാന്‍ ഖവാജയ്ക്കും പിന്തുണയുമായി ഓസ്ട്രേലിയന്‍ കോച്ച് ജസ്റ്റിന്‍ ലാംഗര്‍. ഷോണ്‍ മാര്‍ഷിന്റെ ടി20 റെക്കോര്‍ഡിനെയും ഉസ്മാന്‍ ഖവാജയുടെ ഏത് പൊസിഷനിലും കളിയ്ക്കുവാനുള്ള കഴിവുമാണ് ലാംഗര്‍ എടുത്ത് പറഞ്ഞ് ഇരുവരുടെയും മോശം ഫോമില്‍ പിന്തുണയുമായി ലാംഗര്‍ എത്തിയത്. മാര്‍ഷ് വെടിക്കെട്ട് ബാറ്റിംഗിനു പേര് കേട്ട താരമാണ്, ബിഗ് ബാഷില്‍ ഒരോവറില്‍ നിന്ന് 28 റണ്‍സ് നേടുന്നത് ഒരു സെമി ഫൈനലില്‍ താന്‍ കണ്ടിട്ടുള്ളതാണ്. അത് പോലുള്ള ഒരു താരത്തെ ബാറ്റിംഗ് ഓര്‍ഡറില്‍ കളിപ്പിക്കുക എന്നത് ഏറെ ആവേശകരമായ കാര്യമാണ്. ലോകത്തില്‍ ഏത് മികച്ച വെടിക്കെട്ട് ബാറ്റിംഗ് താരത്തെപ്പോലെ തന്നെ അടിച്ച് തകര്‍ക്കുവാന്‍ കഴിവുള്ള താരമാണ് ഷോണ്‍ മാര്‍ഷെന്ന് ലാംഗര്‍ പറഞ്ഞു.
അതുപോലെ തന്നെ തന്റെ ഇഷ്ട സ്ഥാനങ്ങള്‍ ടീമിനു വേണ്ടി വിട്ട് നല്‍കി ബാറ്റിംഗ് ഓര്‍ഡറില്‍ ഏത് സ്ഥാനത്തും ബാറ്റ് ചെയ്ത് റണ്‍സ് കണ്ടെത്താനാകുന്ന താരമാണ് ഉസ്മാന്‍ ഖവാജ. മത്സര സാഹചര്യങ്ങളനുസരിച്ച് താരം ഇന്നിംഗ്സിലെ രണ്ടാം പന്തില്‍ ബാറ്റ് ചെയ്യാനെത്തുന്ന അവസരവുമുണ്ടാകാം, താന്‍ അത് നടക്കല്ലേയെന്ന് പ്രാര്‍ത്ഥിക്കുന്നുണ്ടെങ്കിലും എന്നും ലാംഗര്‍ പറഞ്ഞു.
