ലോകകപ്പ് ഗ്രൂപ്പ് ഘട്ടത്തില്‍ ആദ്യ മൂന്ന് സ്ഥാനക്കാരാവുക ഇന്ത്യ, ഇംഗ്ലണ്ട്, ഓസ്ട്രേലിയ എന്ന് അഭിപ്രായപ്പെട്ട് മുന്‍ ഇന്ത്യന്‍ നായകനും ലോകകപ്പ് ജേതാവുമായി കപില്‍ ദേവ്. നാലാം സ്ഥാനത്തേക്ക് ന്യൂസിലാണ്ട്, പാക്കിസ്ഥാന്‍, ദക്ഷിണാഫ്രിക്ക എന്നീ ടീമുകള്‍ തമ്മിലാവും പോരാട്ടമെന്നും കപില്‍ ദേവ് അറിയിച്ചു.
ഇന്ത്യയ്ക്കും ഇംഗ്ലണ്ടിനും തന്നെയാണ് ലോകകപ്പില്‍ ഏറ്റവും അധികം സാധ്യതയെന്നാണ് ക്രിക്കറ്റ് ലോകത്തെ അഭിപ്രായം. സ്റ്റീവ് സ്മിത്തും ഡേവിഡ് വാര്‍ണറും മടങ്ങിയെത്തിയതോടെ ഓസ്ട്രേലിയയും മുന്‍ നിരയിലേക്ക് എത്തുകയാണ്. നാട്ടില്‍ കളിയ്ക്കുക എന്ന ആനുകൂല്യവും കഴിഞ്ഞ് കുറേ വര്‍ഷമായി ഏകദിന ഫോര്‍മാറ്റിലെ ആധിപത്യവും ഇംഗ്ലണ്ടിനും വലിയ സാധ്യത നല്‍കുകയാണ്.
