ബയേൺ മ്യൂണിക്കിന്റെ അടുത്ത പരിശീലകനായി പ്രശസ്തനായ റാൾഫ് റാഗ്നിക് എത്തും എന്ന് സൂചന. ഇപ്പോൾ ഓസ്ട്രിയ ദേശീയ ടീം പരിശീലകനായ റാഗ്നിക് ആ സ്ഥാനം ഒഴിഞ്ഞ് ബയേണിൽ എത്തും എന്നാണ് സൂചനകൾ. ഈ സീസൺ അവസാനത്തോടെ തോമസ് ടൂചൽ സ്ഥാനം ഒഴിയും എന്നാതിനാൽ ബയേൺ ഇപ്പോൾ പുതിയ പരിശീലകനായുള്ള അന്വേഷണത്തിൽ ആണ്‌.
നേരത്തെ മാഞ്ചസ്റ്റർ യുണൈറ്റഡ് പരിശീലകനായി റാൽഫ് പ്രവർത്തിച്ചിട്ടുണ്ട്. എന്നാൽ അവിടെ റാൾഫിന് അത്ര നല്ല കാലമായിരുന്നില്ല. മുമ്പ് റെഡ് ബുളിന്റെ സ്പോർടിംഗ് ഹെഡായിരുന്നു റാൾഫ് റാഗ്നിക്. റെഡ്ബുൾ ടീമുകളായ ലെപ്സിഗിന്റെയും സാൽസ്ബർഗിന്റെയും വളർച്ചയിൽ വലിയ പങ്കുവഹിച്ച ആളാണ് റാഗ്നിക്. 65കാരനായ അദ്ദേഹം ബയേണെ അവരുടെ പതിവു ഫോമിലേക്ക് കൊണ്ടുവരും എന്നാണ് ആരാധകരുടെ പ്രതീക്ഷ.
