ദക്ഷിണാഫ്രിക്കയ്ക്കെിതിരെയുള്ള ടെസ്റ്റ് ടീമിനെ പ്രഖ്യാപിച്ച് ഇന്ത്യ, ശുഭ്മന്‍ ഗില്‍ ടെസ്റ്റ് ടീമില്‍

- Advertisement -

ദക്ഷിണാഫ്രിക്കയ്ക്കെതിരെ നടക്കുന്ന ഗാന്ധി-മണ്ടേല ട്രോഫിയ്ക്കായുള്ള ടെസ്റ്റ് പരമ്പരയ്ക്കുള്ള ടീമിനെ പ്രഖ്യാപിച്ച് ഇന്ത്യ. പേടിഎം ഫ്രീഡം സീരീസില്‍ ഇന്ത്യയും ദക്ഷിണാഫ്രിക്കയും മൂന്ന് ടെസ്റ്റ് മത്സരങ്ങളിലാണ് ഏറ്റുമുട്ടുന്നത്. ശുഭ്മന്‍ ഗില്ലിന് ടെസ്റ്റ് ടീമില്‍ ഇന്ത്യ അവസരം നല്‍കിയിട്ടുണ്ട്. അതേ സമയം വിന്‍ഡീസില്‍ ഓപ്പണറുടെ റോള്‍ ഏറ്റെടുത്ത കെഎല്‍ രാഹുല്‍ ടീമില്‍ നിന്ന് പുറത്ത് പോകുന്നു.

വിന്‍ഡീസിനെതിരെ ടെസ്റ്റ് കളിച്ച ടീമിന് ഏറെക്കുറെ സമാനമായ ടീമിനെയാണ് ദക്ഷിണാഫ്രിക്കയ്ക്കെതിരെയും പ്രഖ്യാപിച്ചിരിക്കുന്നത്. രാഹുലിന് പകരം രോഹിത് ശര്‍മ്മയെ ഓപ്പണറായി പരിഗണിക്കുമോ അതോ പുതുമുഖ താരം ശുഭ്മന്‍ ഗില്ലിനെ ആ ദൗത്യത്തിനായി ഉപയോഗിക്കുമോ എന്നതാണ് ഇനി കാത്തിരുന്ന് കാണേണ്ടത്.

ഇന്ത്യ: വിരാട് കോഹ്‍ലി, മയാംഗ് അഗര്‍വാല്‍, രോഹിത് ശര്‍മ്മ, ചേതേശ്വര്‍ പുജാര, അജിങ്ക്യ രഹാനെ, ശുഭ്മന്‍ ഗില്‍, ഹനുമ വിഹാരി, ഋഷഭ് പന്ത്, വൃദ്ധിമന്‍ സാഹ, രവിചന്ദ്രന്‍ അശ്വിന്‍, രവീന്ദ്ര ജഡേജ, കുല്‍ദീപ് യാദവ്, മുഹമ്മദ് ഷമി, ജസ്പ്രീത് ബുംറ, ഇഷാന്ത് ശര്‍മ്മ

Advertisement