ബെൽജിയം താരം വിറ്റ്സൽ അത്ലറ്റിക്കോ മാഡ്രിഡിൽ തന്നെ തുടരും. 2025 ജൂൺ വരെ താരത്തിന്റെ കരാർ നീട്ടും എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു. ബൊറൂസിയ ഡോർട്ട്മുണ്ടിൽ നിന്ന് ഫ്രീ ഏജന്റായാണ് 2022/23 സീസണിന്റെ തുടക്കത്തിൽ ബെൽജിയൻ മിഡ്‌ഫീൽഡർ സ്പാനിഷ് ക്ലബ്ബിൽ ചേർന്നത്.
വിറ്റ്സൽ 12 മാസത്തെ കരാറിൽ ആയിരുന്നു ഒപ്പുവച്ചത്‌. എന്നാൽ താരം മികച്ച പ്രകടനം കാഴ്ചവെച്ചതോടെ കരാർ 2024വരെ നീട്ടുക ആയിരുന്നു. 35-കാരനായ അദ്ദേഹം ഈ സീസണിലും അത്‌ലറ്റിക്കോയ്ക്ക് ആയി വലിയ പ്രകടനങ്ങൾ നടത്തി. 63 മത്സരങ്ങൾ ഇതുവരെ താരം അത്ലറ്റിക്കോ മാഡ്രിഡിനായി കളിച്ചു.
