വിന്‍ഡീസ് ടീമിന് റോസ്ടണ്‍ ചേസ് മികച്ച സന്തുലിതാവസ്ഥ നല്‍കുന്നു

- Advertisement -

ഇന്ത്യയ്ക്കെതിരെ ടി20 പരമ്പര കൈവിട്ടുവെങ്കിലും ഏകദിനത്തില്‍ തങ്ങളുടെ ടീമിന് കൂടുതല്‍ സന്തുലിതാവസ്ഥയുണ്ടെന്ന് പറഞ്ഞ് കീറണ്‍ പൊള്ളാര്‍ഡ്. ടെസ്റ്റ് ടീമിലെ അവിഭാജ്യ ഘടകമായ റോസ്ടണ്‍ ചേസ് ഏകദിന ടീമിലേക്ക് എത്തുന്നത് ടീമിന് മികച്ച സന്തുലിതാവസ്ഥയാണ് നല്‍കുന്നതെന്ന് പൊള്ളാര്‍ഡ് പറഞ്ഞു. ലോകകപ്പിന് ശേഷമാണ് താരത്തെ ഏകദിന ടീമിലേക്ക് ഉള്‍പ്പെടുത്തുന്നത്. അഫ്ഗാനിസ്ഥാന്‍ പരമ്പരയില്‍ മൂന്ന് മത്സരങ്ങളിലും ബാറ്റ് കൊണ്ടും ബോള് കൊണ്ടും സംഭാവന നടത്തിയ താരം പരമ്പരയിലെ താരമായി തിരഞ്ഞെടുക്കപ്പെടുകയായിരുന്നു.

ചേസ് ഓള്‍റൗണ്ടര്‍ ആണെന്ന ആനുകൂല്യം വിന്‍ഡീസിന് അധിക ബാറ്റ്സ്മാനെ കളിപ്പിക്കുവാനുള്ള അവസരം കൂടി നല്‍കുന്നുണ്ട്. ഇത് ടീമിനെ വലിയ ഗുണം ആണ് സൃഷ്ടിക്കുന്നെതെന്നാണ് പൊള്ളാര്‍ഡ് പറയുന്നത്. ടെസ്റ്റ് ക്രിക്കറ്റില്‍ മധ്യനിരയില്‍ ബാറ്റ് ചെയ്യുന്ന ചേസ് ഏകദിനത്തില്‍ വലിയ പ്രഭാവം സൃഷ്ടിക്കാനാകും. കൂടാതെ ബൗളറുടെ റോളും കൈകാര്യം ചെയ്യാനാകുന്ന താരമാണ് ചേസ് എന്ന് പൊള്ളാര്‍ഡ് വ്യക്തമാക്കി. ഇത് ടീമിന് ഒരു ബാറ്റ്സ്മാനെയോ ബൗളറെയോ ഓള്‍റൗണ്ടറെയോ അധികമായി കളിപ്പിക്കുവാന്‍ സഹായിക്കുന്നുവെന്നും പൊള്ളാര്‍ഡ് വ്യക്തമാക്കി.

Advertisement