3TCയുടെ ഉടമസ്ഥരായ കമ്പനിയില്‍ ഷെയര്‍ ഹോള്‍ഡര്‍മാരും ഫൗണ്ടര്‍മാരുമാണ് ഗ്രെയിം സ്മിത്തും മാര്‍ക്ക് ബൗച്ചറും എന്ന വാദങ്ങളെ തള്ളി ദക്ഷിണാഫ്രിക്കന്‍ ക്രിക്കറ്റ് ബോര്‍ഡ്. ബോര്‍ഡ് ചീഫായ സ്മിത്തും ടീമിന്റെ കോച്ചായ ബൗച്ചറും ഈ പുതിയ ഫോര്‍മാറ്റിന്റെ ഉടമസ്ഥരായ കമ്പനിയിലെ അവകാശികളാണെന്ന തരത്തിലാണ് വാര്‍ത്ത പുറത്ത് വന്നത്. എന്നാല്‍ ഈ ടൂര്‍ണ്ണമെന്റ് ആരംഭിക്കുവാനുള്ള അനുമതി ദക്ഷിണാഫ്രിക്കന്‍ ബോര്‍ഡ് നിരസിക്കുകയായിരുന്നു.
ഇരുവരും ഈ ഫോര്‍മാറ്റിന്റെ രൂപകല്പനയില്‍ പങ്കാളികളായിരുന്നുവെന്നും അത് അവര്‍ നേരത്തെ തന്നെ ബോര്‍ഡിനോട് അറിയിച്ചിരുന്നതാണെന്നും ബോര്‍ഡ് വ്യക്തമാക്കി. അല്ലാതെ ഇവര്‍ക്ക് ഈ കമ്പനിയില്‍ ഷെയറോ ഉടമസ്ഥാവകാശമോ ഇല്ലെന്ന് ബോര്‍ഡ് വ്യക്തമാക്കി.
ഇത്തരം വാദങ്ങള്‍ക്കെതിരെ ബോര്‍ഡ് നിയമനടപടിയ്ക്ക് ഒരുങ്ങുമെന്നാണ് അറിഞ്ഞത്.
