ഐപിഎലില്‍ തുടര്‍ച്ചയായ ആറാം ഇന്നിംഗ്സില്‍ അര്‍ദ്ധ ശതകം നേടാമെന്ന ഡേവിഡ് വാര്‍ണറുടെ മോഹങ്ങള്‍ക്ക് തിരിച്ചടി നല്‍കിയത് കൂട്ടുകാരന്‍ സ്റ്റീവ് സ്മിത്തിന്റെ തകര്‍പ്പന്‍ അവിസ്മരണീയമായ ക്യാച്ച്. ഒഷെയ്ന്‍ തോമസ് എറിഞ്ഞ 13ാം ഓവറിന്റെ ആദ്യ പന്തില്‍ സ്മിത്തിനെ മിഡ് ഓഫില്‍ നിന്ന് ഓടി ഫുള്‍-സ്ട്രെച്ച് ഡൈവ് ചെയ്ത് സ്മിത്ത് പിടിച്ച് പുറത്താകുമ്പോള്‍ താരത്തിന്റെ തുടര്‍ച്ചയായ ആറാം അര്‍ദ്ധ ശതകമെന്ന മോഹത്തിനാണ് തടയിട്ടത്.
32 പന്തില്‍ നിന്ന് 37 റണ്‍സാണ് ഡേവിഡ് വാര്‍ണര്‍ നേടിയത്. വാര്‍ണര്‍ പുറത്താകുമ്പോള്‍ സണ്‍റൈസേഴ്സ് സ്കോര്‍ 103 റണ്‍സായിരുന്നു. പിന്നീട് ബാറ്റ്സ്മാന്മാര്‍ തുടരെ വിക്കറ്റുകള്‍ വലിച്ചെറിഞ്ഞപ്പോള്‍ ടീമിനു 20 ഓവറില്‍ നിന്ന് 160 റണ്‍സ് മാത്രമേ നേടാനായുള്ളു.
