ബംഗ്ലാദേശ് പേസര്‍ മുസ്തഫിസുര്‍ റഹ്മാന് ഐപിഎലിലെ രാജസ്ഥാന്‍ റോയല്‍സിന്റെ ആദ്യ മത്സരം നഷ്ടമാകും. ഏപ്രില്‍ 12ന് പഞ്ചാബ് കിംഗ്സിനെതിരെയാണ് രാജസ്ഥാന്റെ ആദ്യ മത്സരം. ഇപ്പോള്‍ ന്യൂസിലാണ്ടില്‍ ഏകദിന ടി20 പര്യടനം കളിച്ച് നില്‍ക്കുന്ന താരം ഏപ്രില്‍ 4ന് ബംഗ്ലാദേശിലേക്ക് യാത്രയാകുമെന്നാണ് അറിയുന്നത്.
താരം തൊട്ടടുത്ത ദിവസം ഫ്ലൈറ്റ് പിടിച്ച് ഇന്ത്യയിലെത്തിയാലും ഏഴ് ദിവസത്തെ ക്വാറന്റീന്‍ നില്‍ക്കണണെന്നതിനാല്‍ തന്നെ ഏപ്രില്‍ 12ലെ മത്സരത്തിന് മുമ്പ് രാജസ്ഥാന്‍ ക്യാമ്പില്‍ എത്തുവാന്‍ സാധിക്കില്ലെന്നാണ് അറിയുന്നത്.
ഏപ്രില്‍ 15ന് ഡല്‍ഹി ക്യാപിറ്റല്‍സിനെതിരെയാണ് രാജസ്ഥാന്റെ രണ്ടാമത്തെ മത്സരം. അടിസ്ഥാന വിലയായ ഒരു കോടി നല്‍കിയാണ് താരത്തെ രാജസ്ഥാന്‍ റോയല്‍സ് സ്വന്തമാക്കിയത്.
