ഐപിഎല്‍ 2018 സീസണില്‍ മത്സരങ്ങളുടെ സമയ ക്രമത്തില്‍ മാറ്റം. 8 മണി മത്സരങ്ങള്‍ ഒരു മണിക്കൂര്‍ നേരത്തെയായി രാത്രി ഏഴ് മണിക്ക് ആരംഭിക്കുമ്പോള്‍ 4 മണിയുടെ മത്സരങ്ങള്‍ വൈകിയാവും തുടങ്ങുക. നാല് മണി മത്സരങ്ങള്‍ വൈകുന്നേരം 5.30നാവും ഇനി മുതല്‍ ആരംഭിക്കുക. ഐപിഎല്‍ സംപ്രേക്ഷണാവകാശം നേടിയ സ്റ്റാര്‍ സ്പോര്‍ട്സ് നെറ്റ്‍വര്‍ക്ക് ആണ് ഈ ആവശ്യം ഉന്നയിച്ചത്. ആവശ്യം ഐപിഎല്‍ ഗവേണിംഗ് കൗണ്‍സില്‍ അംഗീകരിക്കുകയായിരുന്നു.
ആവശ്യത്തിനു ചാനലുകള്‍ ഉള്ളതിനാല്‍ 5.30യ്ക്കും 7 മണിയ്ക്കും മത്സരങ്ങള്‍ തുടങ്ങുന്നത് പ്രശ്നമല്ലെന്നാണ് സ്റ്റാറിന്റെ പക്ഷം. ഏപ്രില്‍ ഏഴ് മുതല്‍ മേയ് 27 വരെയാണ് ഐപിഎല്‍ 11ാം പതിപ്പ് അരങ്ങേറുക. മുംബൈയില്‍ ഏപ്രില്‍ 6നാണ് ഉദ്ഘാടന ചടങ്ങുകള്‍ ക്രമീകരിച്ചിട്ടുള്ളത്.
കൂടുതൽ കായിക വാർത്തകൾക്ക് : www.facebook.com/FanportOfficial
