ഇന്ത്യ അണ്ടർ 19 ടീമിനെ പ്രഖ്യാപിച്ചു; സെവാഗിന്റെയും ദ്രാവിഡിന്റെയും മക്കൾ ടീമിൽ!

ഓസ്ട്രേലിയ അണ്ടർ 19 ടീമിനെതിരായ പരമ്പരയ്ക്കുള്ള ഇന്ത്യൻ അണ്ടർ 19 ടീമിനെ ബിസിസിഐ പ്രഖ്യാപിച്ചു. സെപ്റ്റംബർ 18 മുതൽ ആരംഭിക്കുന്ന പരമ്പരയിൽ 3 ഏകദിന മത്സരങ്ങളും 2 മൾട്ടി-ഡേ മത്സരങ്ങളുമാണ് ഉൾപ്പെടുത്തിയിരിക്കുന്നത്. ഇതിൽ ഏകദിന ടീമിൽ മുൻ ഇന്ത്യൻ താരങ്ങളായ വീരേന്ദർ സെവാഗിന്റെ മകൻ ആര്യവീർ സെവാഗും രാഹുൽ ദ്രാവിഡിന്റെ മകൻ അൻവയ് ദ്രാവിഡും ഇടം നേടി എന്നത് ശ്രദ്ധേയമാണ്.

ഏകദിന പരമ്പരയിലെ 3 മത്സരങ്ങളും രാജ്‌കോട്ടിലാണ് നടക്കുക. ഇതിനുശേഷം സെപ്റ്റംബർ 27 മുതൽ രാജ്‌കോട്ടിലും ഒക്ടോബർ 5 മുതൽ അഹമ്മദാബാദിലുമായി രണ്ട് മൾട്ടി-ഡേ മത്സരങ്ങൾ അരങ്ങേറും. ലക്ഷ്യ റായ്ചന്ദ്വാനി ഏകദിന ടീമിനെ നയിക്കുമ്പോൾ യഷ്ബർധൻ ചൗഹാനാണ് വൈസ് ക്യാപ്റ്റൻ. മൾട്ടി-ഡേ ടീമിൽ യഷ്ബർധൻ ചൗഹാൻ ക്യാപ്റ്റനായും ലക്ഷ്യ റായ്ചന്ദ്വാനി വൈസ് ക്യാപ്റ്റനായും പ്രവർത്തിക്കും.

കുശാഗ്ര ഓജ, രോഹിത് യാദവ് തുടങ്ങിയ പരിചയസമ്പന്നരായ യുവതാരങ്ങൾക്കൊപ്പം പ്രമുഖ താരങ്ങളുടെ മക്കൾ കൂടി എത്തുന്നത് പരമ്പരയ്ക്ക് വലിയ ശ്രദ്ധ നൽകുന്നുണ്ട്. വരാനിരിക്കുന്ന അന്താരാഷ്ട്ര മത്സരങ്ങൾക്ക് മുന്നോടിയായി യുവതാരങ്ങൾക്ക് തങ്ങളുടെ മികവ് തെളിയിക്കാനുള്ള വലിയ അവസരമാണ് ഈ പരമ്പര ഒരുക്കുന്നത്.

India U19 squad for One-Day matches: Lakshya Raichandani (C), Yashbardhan Chauhan (VC), Rajat Baghel (WK), Aaryavir Sehwag, V.K. Vineet, Kushagra Ojha, Arjun Rajput, Manal Chauhan, Anvay Dravid (WK), V. Yashveer, Rohit Yadav, Shavin Vinodh, Mohit Ulva, Chigurupati Venkata, Kavya Patel

India U19 squad for Multi-Day fixtures: Yashbardhan Chauhan (C), Lakshya Raichandani (VC), Sagar Virk, Kushagra Ojha, Manal Chauhan, Kush Patel, Manav Krishna (WK), Abhipray Biswas (WK), Rohit Yadav, Ishan Om, Ayaan Akram, Pranav Ragavendra, Priyanshu Singh, Mohit Ulva, Aryan Yadav