ഇന്ന് അവസാന ഏകദിനത്തിൽ ഓസ്ട്രേലിയയോട് പരാജയം നേരിട്ടതോടെ ഇന്ത്യക്ക് പരമ്പര നഷ്ടമായി. നാലു വർഷങ്ങൾക്ക് ശേഷമാണ് ഇന്ത്യയിൽ നടക്കുന്ന ഒരു ഏകദിന പരമ്പര ഇന്ത്യ പരാജയപ്പെടുന്നത്. ഇന്ന് 21 റൺസിന്റെ പരാജയമാണ് ഇന്ത്യ നേരിട്ടത്. ഇതോടെ പരമ്പര 2-1ന് ഓസ്ട്രേലിയ സ്വന്തമാക്കി.
ഇതിനു മുമ്പ് 2019ൽ ആയിരുന്നു ഇന്ത്യ ഇന്ത്യയിൽ ഒരു ഏകദിന പരമ്പര പരാജയപ്പെട്ടത്. അന്നും ഓസ്ട്രേലിയ ആണ് ഇന്ത്യയെ തോൽപ്പിച്ചത്. ആരോൺ ഫിഞ്ചിന്റെ നായകത്വത്തിൽ ആയിരുന്നു അന്ന് ഓസ്ട്രേലിയ പരമ്പര സ്വന്തമാക്കിയത്. 5 മത്സരങ്ങളുടെ ഏകദിന പരമ്പരയിൽ അന്ന് ഓസ്ട്രേലിയ 0-2 ന് പിന്നിലായിരുന്നു. അവിടെ നിന്ന് തിരിച്ചടിച്ചായിരിന്നു അവർ പരമ്പര 3-2ന് സ്വന്തമാക്കിയത്. ഇത്തവണ അവർ 0-1ന് പിറകിൽ നിന്ന ശേഷവും വിജയിച്ച് കയറി.
