മുന്‍ കേരള താരങ്ങള്‍ അടങ്ങിയ മുത്തൂറ്റ് യമഹ മാസ്റ്റേഴ്സ് സിസിയെ വീഴ്ത്തി ഗ്ലോബ്സ്റ്റാര്‍ ആലുവ. ടോസ് നേടി ആലുവ ടീം ബാറ്റിംഗ് തിരഞ്ഞെടുക്കുകയായിരുന്നു. ഗ്ലോബ്സ്റ്റാര്‍ ആലുവ അന്‍സില്‍(49*), ആനന്ദ് ബാബു(38), അനുജ് ജോതിന്‍(22) എന്നിവരുടെ ബാറ്റിംഗ് മികവില്‍ 7 വിക്കറ്റ് നഷ്ടത്തില്‍ 26 ഓവറില്‍ നിന്ന് 152 റണ്‍സ് നേടുകയായിരുന്നു. 32 പന്തില്‍ നിന്നാണ് 49 റണ്‍സ് നേടി അന്‍സില്‍ പുറത്താകാതെ നിന്നത്. മാസ്റ്റേഴ്സിനു വേണ്ടി രാഹുല്‍ രാഘവന്‍ മൂന്നും പ്രശാന്ത്, ജോണ്‍സണ്‍ എന്നിവര്‍ ഓരോ വിക്കറ്റും വീഴ്ത്തി. രണ്ട് ഗ്ലോബ്സ്റ്റാര്‍ താരങ്ങള്‍ റണ്‍ഔട്ട് രൂപത്തിലാണ് പുറത്തായത്.
റൈഫി വിന്‍സെന്റ് ഗോമസ് നേടിയ 58 റണ്‍സിന്റെ ബലത്തില്‍ മുന്നേറിയ മുത്തൂറ്റ യമഹ മാസ്റ്റേഴ്സ് സിസിയുടെ ഇന്നിംഗ്സിനെ എന്നാല്‍ അലന്‍ സജു തന്റെ മികച്ച ബൗളിംഗിലൂടെ തിരിച്ചടികള്‍ നല്‍കി കൊണ്ടിരുന്നു. റൈഫിയുടേതുള്‍പ്പെടെ 4 വിക്കറ്റാണ് അലന്‍ സജു മത്സരത്തില്‍ നേടിയത്. തന്റെ നാലോവറില്‍ നിന്ന് 14 റണ്‍സ് മാത്രം താരം വിട്ടുകൊടുത്തപ്പോള്‍ ഗ്ലോബ്സ്റ്റാറിനു 17 റണ്‍സിന്റെ വിജയം സ്വന്തമാക്കാനായി. 22.4 ഓവറില്‍ മാസ്റ്റേഴ്സ് സിസി 135 റണ്‍സിനു ഓള്‍ഔട്ട് ആവുകയായിരുന്നു. ജയത്തോടെ ഗ്ലോബ്സ്റ്റാര്‍ ആലുവ ടൂര്‍ണ്ണമെന്റിന്റെ സെമിയില്‍ കടന്നിട്ടുണ്ട്.
വിഷ്ണു അജിത്ത്, അരുണ്‍ കുമാര്‍ എന്നിവരും രണ്ട് വിക്കറ്റുകളുമായി പട്ടികയില്‍ ഇടം പിടിച്ചു.
കൂടുതൽ കായിക വാർത്തകൾക്ക് : www.facebook.com/FanportOfficial
