ടോക്കിയോ ഒളിമ്പിക്സിൽ ഇന്ത്യക്ക് സ്വർണം ലഭിക്കുമെന്ന് ഗോപിചന്ദ്
2020ൽ ടോക്കിയോവിൽ നടക്കുന്ന സമ്മർ ഒളിമ്പിക്സിൽ ഇന്ത്യക്ക് സ്വർണ്ണം നേടാൻ കഴിയുമെന്ന് ദേശീയ ടീമിന്റെ ചീഫ് കോച്ച് പുല്ലേല ഗോപിചന്ദ്. ഇന്ത്യന് കളിക്കാരുടെ പ്രകടനം വര്ഷാ വര്ഷം മെച്ചപ്പെട്ടു കൊണ്ടിരിക്കുകയാണ്, 2020ല് ഇന്ത്യക്ക് ബാഡ്മിന്റണിൽ ആദ്യത്തെ സ്വർണം നേടാൻ കഴിയും എന്നാണ് ഗോപിചന്ദ് അഭിപ്രായപ്പെടുന്നത്.
“ഓരോ വർഷവും കഴിഞ്ഞ ഏതാനും വർഷങ്ങളിൽ മുൻപത്തേതിനെക്കാളും മികച്ചതായിവരുന്നുണ്ട്, 2008 ഒളിമ്പിക്സിൽ നമുക്ക് ക്വർട്ടർ വരെ മുന്നേറാൻ കഴിഞ്ഞതായിരുന്നു അതുവരെയുള്ള മികച്ച പ്രകടനം. എന്നാൽ 2012ൽ നമുക് ആദ്യത്തെ ബ്രോൺസ് മെഡൽ ലഭിച്ചു. 2016 ആയപ്പോഴേക്കും അത് വെള്ളി മെഡൽ ആയി, 2020ൽ സ്വർണം ലഭിക്കും എന്ന് തന്നെയാണ് പ്രതീക്ഷ” – ഗോപിചന്ദ് പറഞ്ഞു.
ബാഡ്മിന്റണിൽ ആദ്യം പുരുഷ താരങ്ങളെ മാത്രമേ നമ്മൾക്ക് അറിയുമായിരുന്നുള്ളു, പക്ഷെ സൈന നെഹ്വാൾ വന്നതോടെ കാര്യങ്ങൾ മാറിയെന്നും ഗോപിചന്ദ് പറയുന്നു.