2018 ഏഷ്യന്‍ ഗെയിംസ് ഉദ്ഘാടന ചടങ്ങില്‍ ഇന്ത്യന്‍ പതാകയേന്തുക ജാവലിന്‍ ത്രോ താരം നീരജ് ചോപ്ര. ഏഷ്യന്‍ ഗെയിംസില്‍ ഇന്ത്യയുടെ സ്വര്‍ണ്ണ മെഡല്‍ പ്രതീക്ഷയാണ് നീരജ് ചോപ്ര. 2014 ഏഷ്യന്‍ ഗെയിംസില്‍ ഇന്ത്യന്‍ പതാകയേന്തിയത് ഹോക്കി താരം സര്‍ദാര്‍ സിംഗ് ആയിരുന്നു. അടുത്തിടെ ഫിന്‍ലന്‍ഡിലെ സാവോ ഗെയിംസില്‍ താരം സ്വര്‍ണ്ണ മെഡല്‍ നേടിയിരുന്നു.
ഏഷ്യന്‍ ഗെയിംസിനു മുന്നോടിയായി മികച്ച ഫോമിലാണ് താരം. ചൈനീസ് തായ്പേയ് എതിരാളിയായ ചാവോ-സുന്‍ ചെംഗിനെയാണ് സാവോ ഗെയിംസില്‍ നീരജ് പരാജയപ്പെടുത്തിയത്. ഫ്രാന്‍സിലെ സോട്ടെവില്ലേ അത്ലറ്റിക്സ് മീറ്റിലും നീരജ് സ്വര്‍ണ്ണം നേടിയിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
