കാർലോസ് അൽക്കരാസ് യു എസ് ഓപ്പൺ ക്വാർട്ടർ ഫൈനലിൽ പ്രവേശിച്ചു

യുഎസ് ഓപ്പൺ ടെന്നീസ് ടൂർണമെന്റിൽ സ്പാനിഷ് സൂപ്പർ താരം കാർലോസ് അൽക്കരാസ് ക്വാർട്ടർ ഫൈനലിൽ കടന്നു. ആവേശകരമായ നാലാം റൗണ്ട് പോരാട്ടത്തിൽ അമേരിക്കയുടെ ടോമി പോളിനെ നേരിട്ടുള്ള സെറ്റുകൾക്കാണ് അൽക്കരാസ് കീഴടക്കിയത്. സ്കോർ: 6-4, 6-3, 6-4. ടൂർണമെന്റിലെ അൽക്കരാസിന്റെ ഏറ്റവും മികച്ച പ്രകടനങ്ങളിലൊന്നായിരുന്നു ഈ മത്സരത്തിൽ കണ്ടത്.

കരിയറിലെ 15-ാം ഗ്ലാൻഡ് സ്ളാം ക്വാർട്ടർ ഫൈനൽ പ്രവേശനം കുറിച്ച അൽക്കരാസ്, യുഎസ് ഓപ്പണിൽ തുടർച്ചയായ 11-ാം വിജയമാണ് സ്വന്തമാക്കിയത്. കൂടാതെ ഹാർഡ് കോർട്ട് ഗ്ലാൻഡ് സ്ളാം മത്സരങ്ങളിൽ തുടർച്ചയായ 18-ാം വിജയമെന്ന മികച്ച റെക്കോർഡും സ്പാനിഷ് താരം നിലനിർത്തി. അഞ്ചാം തവണയാണ് അൽക്കരാസ് യുഎസ് ഓപ്പണിന്റെ ക്വാർട്ടർ ഫൈനലിൽ എത്തുന്നത്.