ടോപ്പ് സീഡായ രോഹൻ ബൊപ്പണ്ണയും മാത്യു എബ്ഡനും മയാമി ഓപ്പൺ സെമിഫൈനലിൽ തങ്ങളുടെ സ്ഥാനം ഉറപ്പിച്ചു. 3-6 7-6(4) 10-7 എന്ന സ്കോറിനാണ് അവർ ജോൺ-പാട്രിക് സ്മിത്ത്, സാം വെർബീക്ക് എന്നിവരെ ഇന്ന് പരാജയപ്പെടുത്തിയത്.
ബുധനാഴ്ച നടക്കുന്ന സെമി ഫൈനലിൽ നാലാം സീഡായ ഗ്രാനോളേഴ്സ്/സെബല്ലോസും ഗ്ലാസ്പൂൾ/റോജറും തമ്മിലുള്ള മത്സരത്തിലെ വിജയിയെ ആകും ബൊപ്പണ്ണ നേരിടുക. സെമിഫൈനലിൽ ജയിച്ചാൽ ബൊപ്പണ്ണ വീണ്ടും ലോക ഒന്നാം നമ്പർ ആവും.
