primus mobile
primus mobile

വീണ്ടും റാക്കറ്റേന്തി പാറ്റ് കാഷ്

പെര്‍ത്തില്‍ നടന്ന് വരുന്ന ഹോപ്മാന്‍ കപ്പില്‍ വീണ്ടും റാക്കറ്റേന്തി ഓസീസ് ഇതിഹാസം പാറ്റ് കാഷ്. കാണികള്‍ക്ക് ആവേശ നിമിഷങ്ങളാണ് ഇന്നലെ പാറ്റ് കാഷ് പെര്‍ത്തില്‍ സമ്മാനിച്ചത്. ഏകദേശം 20 വര്‍ഷത്തിനു ശേഷമാണ് ഒരു മത്സരത്തിനായി കാഷ് ഇറങ്ങുന്നത്. 52 വയസ്സുള്ള കാഷ് ഓസ്ട്രേലിയയെ 1989ലാണ് ആദ്യ ഹോപ്മാന്‍ കപ്പില്‍ പ്രതിനിധീകരിക്കുന്നത്. 1995ല്‍ തന്റെ അവസാന മത്സരം കളിച്ച കാഷ് അപ്രതീക്ഷിതമായാണ് ഇന്നലെ കളത്തിലിറങ്ങിയത്.

അമേരിക്കയുടെ കോകോ വാന്‍ഡെവേഗിനൊപ്പം മിക്സഡ് ഡബിള്‍സിലാണ് പാറ്റ് കാഷ് ഇറങ്ങിയത്. കോകോയുടെ പാര്‍ട്ണര്‍ ജാക്ക് സോക് തന്റെ സിംഗിള്‍സ് മാച്ചില്‍ പരിക്കേറ്റതോടെയാണ് കോകോയ്ക്കൊപ്പം ഇറങ്ങാന്‍ കോച്ചായ പാറ്റ് കാഷ് തീരുമാനിക്കുന്നത്. മത്സരത്തില്‍ പരാജയം ഏറ്റുവാങ്ങിയെങ്കിലും പെര്‍ത്തിലെ ടെന്നീസ് ആരാധകര്‍ക്ക് ആഹ്ലാദ് നിമിഷങ്ങള്‍ നല്‍കുവാന്‍ പാറ്റ് കാഷിനായി.

കൂടുതൽ കായിക വാർത്തകൾക്ക് : www.facebook.com/FanportOfficial