മയാമി ഓപ്പൺ അരങ്ങേറ്റത്തിൽ സുമിത് നഗാലിന് ജയം. തൻ്റെ മയാമി ഓപ്പൺ അരങ്ങേറ്റത്തിൽ കാനഡയുടെ ഗബ്രിയേൽ ഡിയാലോയെ നേരിട്ടുള്ള സെറ്റുകൾക്ക് സുമിത് പരാജയപ്പെടുത്തി.
കനേഡിയൻ താരത്തെ 7-6(3) 6-2 എന്ന സ്കോറിനാണ് സുമിത് തോൽപ്പിച്ചത്.
കഴിഞ്ഞ മാസം ചെന്നൈ ഓപ്പൺ നേടി ലോകത്തെ ടോപ് 100ൽ ഇടം നേടിയ നഗാൽ ഈ വിജയത്തോടെ റാങ്കിംഗിൽ ഇനിയും മുന്നേറും. അടുത്ത റാങ്കിംഗിൽ സുമിത് 92ആം സ്ഥാനത്ത് എത്തും. മയാമി ഓപ്പൺ യോഗ്യതയുടെ ഫൈനൽ റൗണ്ടിൽ കോൾമാൻ വോങ്ങിനെ ആകും സുമിത് നേരിടുക.
