Tag: Willian

ബ്രസീലിയൻ ഫുട്ബാളർ വില്യൻ ഇനി ആഴ്സണലിൽ കളിക്കും. കരാർ അവസാനിച്ചതിനെ തുടർന്ന് ചെൽസി വിട്ട വില്യൻ ആഴ്സണലിൽ ഫ്രീ ട്രാൻസ്ഫറിൽ ചേരുകയായിരുന്നു. ആഴ്‌സനലിന്റെ ഒഫിഷ്യൽ സോഷ്യൽ മീഡിയ അകൗണ്ടുകൾ വഴിയാണ് വില്യൻ ടീമിൽ ചേർന്ന കാര്യം അറിയിച്ചത്. കഴിഞ്ഞയാഴ്ചയായിരുന്നു വില്യൻ ചെൽസി വിടുന്ന കാര്യം പുറത്തുവിട്ടത്.

See more

🆕 New club. New colours. New beginnings.

👋 Welcome to The Arsenal, @WillianBorges88! 🔴 pic.twitter.com/B7Tl01BXLe

— Arsenal (@Arsenal) August 14, 2020

2013ൽ ചെൽസിയിൽ ചേർന്ന വില്യൻ 7 വർഷക്കാലയളവിൽ 339 മത്സരങ്ങളിൽ നീല ജേഴ്‌സി അണിഞ്ഞിരുന്നു. ഇതിനിടയിൽ 69 ഗോളുകളും 57 അസിസ്റ്റുകളും വില്യൻ നേടിയിരുന്നു. ഈ സീസണിൽ ലാംപാർടിന്റെ കീഴിൽ 47 മത്സരങ്ങളിൽ കളിച്ച വില്യൻ 11 ഗോളുകളും സ്വന്തമാക്കിയിരുന്നു. ചെൽസിക്ക് വേണ്ടി 2 പ്രീമിയർ ലീഗ് കിരീടങ്ങൾ, യൂറോപ്പ ലീഗ്, എഫ്എ കപ്പ്, ലീഗ് കപ്പ് എന്നിവയും വില്യൻ സ്വന്തമാക്കിയിരുന്നു.

വില്യൻ ആഴ്സണലിൽ ചേർന്നതിൽ സന്തോഷമുണ്ടെന്ന് ആഴ്‌സണൽ മാനേജർ ആർതേറ്റയും പറഞ്ഞു. ടീമിൽ വലിയ മാറ്റങ്ങൾ കൊണ്ടുവരാൻ കഴിവുള്ള താരമാണ് വില്യൻ എന്നാണ് ആർതേറ്റ പറഞ്ഞത്.

 

 

 

ഫുട്ബോളിലെ വംശീയ അധിക്ഷേപത്തിനെതിരെ കടുത്ത നടപടികൾ ആവശ്യപ്പെട്ട് ചെൽസി താരം വില്യൻ. കഴിഞ്ഞ ദിവസം ടോട്ടൻഹാമും ചെൽസിയും തമ്മിലുള്ള മത്സരത്തിനിടെ ചെൽസി താരം റുഡിഗറിനെതിരെ വംശീയ അധിക്ഷേപം ഉണ്ടായിരുന്നു. ടോട്ടൻഹാം ആരാധകരാണ് താരത്തിനെതിരെ വംശീയ അധിക്ഷേപം നടത്തിയത്. തുടർന്നാണ് ഈ വിഷയത്തിൽ കൂടുതൽ നടപടികൾ ആവശ്യപ്പെട്ട് വില്യൻ രംഗത്തെത്തിയത്.

ഈ സംഭവ വികാസങ്ങൾ വളരെ നാണക്കേട് ഉണ്ടാക്കുന്നതും നിരാശപടർത്തുന്നതുമാണെന്ന് വില്യൻ പറഞ്ഞു. എങ്ങനെയാണ് ആരാധകർക്ക് ഇങ്ങനെ പ്രവർത്തിക്കാൻ കഴിയുകയെന്ന് ചോദിച്ച വില്യൻ ടോട്ടൻഹാമിൽ തന്നെ കറുത്ത വർഗക്കാർ കളിക്കുന്നില്ലേ എന്ന ചോദ്യവും ഉന്നയിച്ചു. ഇത്തരത്തിലുള്ള വംശീയ അധിക്ഷേപത്തിനെതിരെ ഫുട്ബോൾ ഫെഡറേഷൻ കൂടുതൽ നടപടികൾ എടുക്കണമെന്നും വില്യൻ പറഞ്ഞു. ഇതേ മത്സരത്തിനിടെ ടോട്ടൻഹാം താരം സോണിനെ വംശീയമായി അധിക്ഷേപിച്ച ചെൽസി ആരാധകനെ അറസ്റ്റ് ചെയ്തിരുന്നു.

ചെൽസിയിൽ തുടർന്നുള്ള ആഗ്രഹം പ്രകടിപ്പിച്ച് ചെൽസി താരം വില്യൻ. ഈ സീസണിന്റെ അവസാനത്തോടെ ചെൽസിയിൽ വില്യന്റെ കരാർ അവസാനിക്കും. എന്നാൽ പുതിയ കരാറിനായി താൻ കാത്തിരിക്കുകയാണെന്ന് വില്യൻ പറഞ്ഞു. 2013ലാണ് റഷ്യൻ ക്ലബായ അൻസി മഖചകാലയിൽ നിന്ന് വില്യൻ ചെൽസിയിൽ എത്തുന്നത്. ചെൽസിയുടെ കൂടെ രണ്ട പ്രീമിയർ ലീഗ് കിരീടവും ഒരു എഫ്. എ കപ്പ് കിരീടവും ഒരു ലീഗ് കപ്പ് കിരീടവും ഒരു യൂറോപ്പ ലീഗ് കിരീടവും വില്യൻ നേടിയിട്ടുണ്ട്.

പുതിയ കരാറിനെ കുറിച്ച് ചെൽസി മാനേജ്മെന്റുമായി ചർച്ചകൾ ഒന്നും ഇതുവരെ തുടങ്ങിയില്ലെന്നും അതെ സമയം താൻ പുതിയ കരാർ ഒപ്പിടാൻ തയാറാണെന്നും വില്യൻ പറഞ്ഞു. “തന്റെ കരാറിൽ ഒരു വർഷം കൂടെ ബാക്കിയുണ്ട്, തനിക്ക് ഇവിടെ തുടരണം കാരണം എനിക്ക് ചെൽസിക്ക് വേണ്ടി കളിക്കണം. ചെൽസിയെ എനിക്കിഷ്ടമാണ് , തനിക്കും തന്റെ കുടുംബത്തിനും ലണ്ടൻ നഗരവും ഇഷ്ട്ടമാണ്” വില്യൻ പറഞ്ഞു.

ചെൽസിയുടെ കൂടെ ചാമ്പ്യൻസ് ലീഗ് കിരീടം നേടണമെന്ന് പറഞ്ഞ വില്യൻ ചെൽസിക്ക് വേണ്ടി കൂടുതൽ ട്രോഫികളും ഗോളുകളും നേടികൊടുക്കണമെന്നും പറഞ്ഞു.