Tag: Saudi Pro League

അൽ-റായിദിനെ തകർത്ത് അൽ-ഇത്തിഹാദ് പത്താം സൗദി പ്രോ ലീഗ് കിരീടം സ്വന്തമാക്കി! അൽ-റായിദിനെ 3-1ന് തോൽപ്പിച്ചാണ് അൽ-ഇത്തിഹാദ് ഇന്ന് സൗദി പ്രോ ലീഗ് കിരീടം ഉറപ്പിച്ചത്. ഇത് അവരുടെ ചരിത്രത്തിലെ പത്താം ലീഗ് കിരീടമാണ്. ഇതിനുമുമ്പ് അവർ 2023 ലാണ് ഈ നേട്ടം കൈവരിച്ചത്.

രണ്ട് മത്സരങ്ങൾ ബാക്കിനിൽക്കെ 77 പോയിന്റുമായി അൽ-ഇത്തിഹാദ് ഒന്നാം സ്ഥാനത്താണ്. അൽ ഹിലാലിന് അവരുടെ ശേഷിക്കുന്ന മത്സരങ്ങൾ വിജയിച്ചാലും അൽ-ഇത്തിഹാദിനെ മറികടക്കാൻ സാധിക്കില്ല. ബെൻസീമ ഈ ലീഗ് കിരീട നേട്ടത്തോടെ ഫ്രാൻസ്, സ്പെയിൻ എന്നി രാജ്യങ്ങൾക്ക് ഒപ്പം ഒരു പുതിയ രാജ്യത്ത് കൂടെ ലീഗ് നേടിയിരിക്കുകയാണ്.

ക്രിസ്റ്റ്യാനോ റൊണാൾഡോ സൗദി അറേബ്യൻ ഫുട്ബോളിൽ റെക്കോർഡ് കുറിച്ചു. ഇന്ന് അൽ നസറിനായി ഇരട്ട ഗോളുകൾ അടിച്ച റൊണാൾഡോ സൗദി പ്രൊ ലീഗിൽ ഒരു സീസണിൽ ഏറ്റവും കൂടുതൽ ഗോളുകൾ അടിക്കുന്ന താരമായി മാറി. റൊണാൾഡോ ഈ സീസണിൽ 35 ഗോളുകൾ ആണ് ആകെ ലീഗിൽ അടിച്ചത്. ഹംദള്ളയുടെ റെക്കോർഡ് ആണ് റൊണാൾഡോ തകർത്തത്.

2019ൽ ഹംദള്ള 34 ഗോളുകൾ ലീഗിൽ ഒരു സീസണിൽ നേടിയിരുന്നു. റൊണാൾഡോ ഇന്ന് അൽ ഇത്തിഹാദിനെതിരെ രണ്ടു ഗോളുകൾ അടിച്ചു. 45ആം മിനുട്ടിലും 63ആം മിനുട്ടിലും ആയിരുന്നു ഈ ഗോളുകൾ. ആകെ 4-2 എന്ന സ്കോറിന് അൽ നസർ വിജയിച്ചു.

റൊണാൾഡോക്ക് ഈ ഗോളുകളോടെ 35 ഗോളുകൾ ഈ സീസൺ ലീഗിൽ ആയി. ഒപ്പം 11 അസിസ്റ്റും റൊണാൾഡോ ഈ സീസൺ ലീഗിൽ സംഭാവന നൽകിയിരുന്നു. ഇതോടെ റൊണാൾഡോ നാലു ലീഗിൽ ടോപ് സ്കോറർ ആകുന്ന ആദ്യ താരവുമായി. മുമ്പ് ലാലിഗ, സീരി എ, ഇംഗ്ലീഷ് പ്രീമിയർ ലീഗ് എന്നിവിടങ്ങളിലും റൊണാൾഡോ ടോപ് സ്കോറർ ആയിട്ടുണ്ട്.

റൊണാൾഡോയുടെയും അൽ നസറിന്റെയും സൗദി ലീഗ് പ്രതീക്ഷകൾ അസ്തമിച്ചു. സൗദി ലീഗ് കിരീടം അൽ ഹിലാൽ സ്വന്തമാക്കി. ഇന്ന് അൽ ഹസാമിനെതിരെ നടന്ന മത്സരത്തിൽ ഒന്നിനെതിരെ നാലു ഗോളുകൾക്ക് വിജയിച്ചതോടെയാണ് അൽ ഹിലാൽ കിരീടം ഉറപ്പിച്ചത്. ലീഗിൽ ഇനിയും മൂന്നു മത്സരങ്ങൾ ശേഷിക്കുകയാണ് അവർ കിരീടം ഉറപ്പിച്ചത്.

ഇന്ന് ഹിലാലിനു വേണ്ടി മിട്രോവിച് ഇരട്ട ഗോളുകളും മിലിങ്കോവിച് സാവിച് ഒരു ഗോളും നേടി. ഒരു സെൽഫ് ഗോളും ഉണ്ടായിരുന്നു. സീസണിൽ ഒരു മത്സരം പോലും പരാജയപ്പെടാതെയാണ് അൽഹിലാൽ കിരീടത്തിലേക്ക് എത്തിയത്. 31 മത്സരങ്ങളിൽ നിന്ന് 89 പോയിന്റാണ് അവർക്ക് ഉള്ളത്. റൊണാൾഡോയുടെ അൽ നസർ 77 പോയിന്റുമായി രണ്ടാമത് നിൽക്കുകയാണ്. അവർ ശേഷിക്കുന്ന മൂന്ന് മത്സരങ്ങൾ ജയിച്ചാലും 86 പോയിന്റിൽ മാത്രമെ എത്തൂ.

അൽ ഹിലാലിന്റെ 19ആം സൗദി ലീഗ് കിരീടമാണ് ഇത്. സൗദിയിൽ എത്തി ആദ്യ രണ്ടു സീസണിലും ലീഗ് കിരീടം നേടാൻ ആയില്ല എന്നത് റൊണാൾഡോക്കും ആരാധകർക്കും ക്ഷീണമാകും.

ക്രിസ്റ്റ്യാനോ റൊണാൾഡോ ഇല്ലാത്ത മത്സരത്തിൽ അൽ നസറിന് സമനില. ഇന്ന് സൗദി ലീഗിൽ നടന്ന മത്സരത്തിൽ ലീഗിലെ ഏറ്റവും അവസാന സ്ഥാനക്കാരായ അൽ ഹസമിനോടാണ് അൽ നാസർ സമനില വഴങ്ങിയത്. എട്ടു ഗോളുകൾ പിറന്ന മത്സരം 4-4 എന്നാണ് അവസാനിച്ചത്.

അൽ നാസറിനായി ടലിസ്ക്ക ഹാട്രിക് നേടിയെങ്കിലും ഫലം ഉണ്ടായില്ല. ഇന്ന് പോയിൻറ് നഷ്ടപ്പെടുത്തിയതോടെ അൽ നസർ അൽ ഹിലാലിന് ഏറെ പിറകിലായി. അൽ നസറിന്റെ ഹോം ഗ്രൗണ്ടിൽ നടന്ന മത്സരത്തിൽ അടിക്ക് തിരിച്ചടി എന്നപോലെ അൽ ഹസം ഒന്നിനു പിറകെ ഒന്നായി ഗോളുകൾ തിരിച്ചടിക്കുകയായിരുന്നു കണ്ടത്. ആദ്യം ടെലിസ്ക ഹാട്രിക് നേടി മൂന്നുതവണ അൽനാസറിന് ലീഡ് നൽകി. മൂന്നുതവണയും അൽഹസമിന് തിരിച്ചടിച്ച് സമനില നേടാനായി.

അവസാനം 90 ആം മിനിറ്റിൽ ഒരു പെനാൽറ്റിയിലൂടെ സാഡിയോ മാനേ അൽ നസറിനെ 4-3ന് മുന്നിലെത്തിച്ചു. പക്ഷേ ആ ലീഡും നിലനിന്നില്ല. അധികം വൈകാതെ ഇഞ്ച്വറി ടൈമിൽ അൽ ഹസം റിക്കാർഡോയിലൂടെ സമനില നേടി. ഇതോടെ അൽ നസർ 22 മത്സരങ്ങളിൽ നിന്ന് 53 പോയിന്റുമായി ലീഗൽ രണ്ടാംസ്ഥാനത്ത് നിൽക്കുകയാണ്. ഒരു മത്സരം കുറവ് കളിച്ച അൽ ഹിലാൽ ആറ് പോയിന്റിന് മുന്നിലാണ് ഇപ്പോൾ. ഇന്ന് സമനില നേടി എങ്കിലും അൽ ഹസം ലീഗിൽ അവസാന സ്ഥാനത്ത് തന്നെയാണ്. റൊണാൾഡോ വിലക്ക് കിട്ടിയത് കൊണ്ടായിരുന്നു ഇന്ന് കളിക്കാതിരുന്നത്.

ലോകത്തിലെ ഏറ്റവും മികച്ച ലീഗുകളിലൊന്നായി മാറാൻ സൗദി പ്രോ ലീഗിനാകും എന്ന് ക്രിസ്റ്റ്യാനോ റൊണാൾഡോ. ലോകത്തെ ഏറ്റവും മികച്ച മൂന്ന് ലീഗുകളിൽ ഒന്നാകാൻ സൗദി ലീഗിന് ആകും എന്ന് അൽ നസർ താരം പറയുന്നു. ഇപ്പോൾ തന്നെ സൗദി ലീഗ് ഫ്രഞ്ച് ലീഗിനെക്കാൾ മുകളിലാണ്. ഫ്രഞ്ച് ലീഗിനെക്കാൾ മികച്ച ഫുട്ബോൾ ആണ് സൗദിയിൽ നടക്കുന്നത്. റൊണാൾഡോ പറഞ്ഞു.

“സൗദി ലോകത്തിലെ ഏറ്റവും മികച്ച മൂന്നോ നാലോ ലീഗുകളിൽ വരുമെന്ന് ഞാൻ വിശ്വസിക്കുന്നു, ഘട്ടം ഘട്ടമായി ഞങ്ങൾ അതിലെത്താൻ പോകുന്നു. സൗദി അറേബ്യ എനിക്ക് ഒരു നല്ല നീക്കമായിരിക്കുമെന്ന് ഞാൻ കരുതി.”ദുബായിൽ നടന്ന ഗ്ലോബ് സോക്കർ അവാർഡിൽ റൊണാൾഡോ പറഞ്ഞു

“കാര്യങ്ങൾ മാറുന്നു; ലോകം മാറുന്നു, ഫുട്ബോൾ മാറുന്നു, നിയമങ്ങൾ മാറുന്നു. എല്ലാം മാറുന്നു. എന്റെ നീക്കം ഒരു നല്ല നീക്കമായിരുന്നു. എനിക്ക് വളരെ സന്തോഷം തോന്നുന്നു; നിരവധി കളിക്കാർ, പരിശീലകർ, ഡയറക്ടർമാർ, അവിടേക്ക് നീങ്ങുന്നു. ഫുട്ബോളിന്റെ ഉയരങ്ങളിൽ എത്താനുള്ള ശ്രമത്തിലാണ് സൗദി. ഇതിന് വളരെ സമയമെടുക്കും, എന്നാൽ പടിപടിയായി ഉയരത്തിലെത്താൻ ആകും” റൊണാൾഡോ പറഞ്ഞു.

സൗദി പ്രൊ ലീഗിലെ മികച്ച താരത്തിനുള്ള പുരസ്കാരം ക്രിസ്റ്റ്യാനോ റൊണാൾഡോ വീണ്ടും സ്വന്തമാക്കി. സെപ്റ്റംബർ മാസത്തിലെ മികച്ച താരമായാണ് റൊണാൾഡോ തിരഞ്ഞെടുക്കപ്പെട്ടത്. സെപ്റ്റംബർ മാസത്തിൽ റൊണാൾഡോ അഞ്ചു ഗോളുകൾ സ്കോർ ചെയ്തിരുന്നു. ഈ സീസണിൽ ഇതുവരെ സൗദി ലീഗിൽ 10 ഗോളുകൾ നേടി അവിടെ ടോപ് സ്കോറർ ആണ് റൊണാൾഡോ.

ഓഗസ്റ്റ് മാസത്തിലും റൊണാൾഡോ ഈ പുരസ്കാരം നേടിയിരുന്നു. റൊണാൾഡോ സൗദിയിൽ എത്തിയ ശേഷം ഇത് മൂന്നാം തവണയാണ് ഈ പുരസ്കാരം നേടുന്നത്. അൽ നാസറിന്റെ പരിശീലകൻ ലുയിസ് കാസ്ട്രോ മികച്ച പരിശീലകനായും മാറി. സെപ്റ്റംബർ മാസത്തിലെ എല്ലാ മത്സരങ്ങളും അൽ നാസർ വിജയിച്ചിരുന്നു. ഇത്തിഹാദിന്റെ ഗോൾ കീപ്പർ മാർസെലോ ഗ്രോഹോ മികച്ച ഗോൾ കീപ്പർ ആയും തിരഞ്ഞെടുക്കപ്പെട്ടു.