ഈ സീസണോടെ ചെൽസിയിൽ കരാർ അവസാനിക്കുന്ന ഒലിവിയർ ജിറൂദും വില്ലിയനും ചെൽസിയിൽ തന്നെ തുടരുമെന്നാണ് തന്റെ പ്രതീക്ഷയെന്ന് ചെൽസി പരിശീലകൻ ഫ്രാങ്ക് ലാമ്പർഡ്. ചെൽസിയിൽ ജിറൂദിന്റെയും വില്ലിയന്റെയും കരാറുകൾ ജൂണിൽ അവസാനിക്കാനിരിക്കെയാണ് ചെൽസി പരിശീലകന്റെ പ്രതികരണം. പ്രീമിയർ ലീഗ് പുനരാരംഭിക്കുകയാണെങ്കിൽ ഇരുതാരങ്ങളുടെയും കരാർ നീട്ടാൻ ചെൽസി ശ്രമം നടത്തുമെന്നും ലാമ്പർഡ് പറഞ്ഞു.
കൊറോണ വൈറസ് പടർന്ന സാഹചര്യത്തിൽ ജൂൺ മാസത്തിൽ പ്രീമിയർ ലീഗ് പൂർത്തിയാകാൻ കഴിയില്ലെന്ന് ഉറപ്പായിട്ടുണ്ട്. അത് കൊണ്ട് തന്നെ ഇത്തരത്തിൽ കരാർ അവസാനിക്കുന്ന താരങ്ങളുടെ കാര്യത്തിൽ ഇതുവരെ വ്യക്തത വന്നിട്ടില്ല. ക്ലബിനോട് അതിയായ താല്പര്യമുള്ള താരങ്ങൾ ആണ് ഇവരെന്നും അത്കൊണ്ട് തന്നെ തന്നെ താരങ്ങൾ ക്ലബിനൊപ്പം തുടരുമെന്നാണ് തന്റെ പ്രതീക്ഷയെന്നും ലാമ്പർഡ് പറഞ്ഞു.