Tag: SPURS

സ്പർസ് പ്രീമിയർ ലീഗിൽ വിജയം തുടരുന്നു. കഴിഞ്ഞ മത്സരത്തിൽ മാഞ്ചസ്റ്റർ യുണൈറ്റഡിനെ തോൽപ്പിച്ച സ്പർസ് ഇന്ന് എവേ മത്സരത്തിൽ ബൗണ്മതിനെ പരാജയപ്പെടുത്തി. മറുപടിയില്ലാത്ത രണ്ടു ഗോളുകൾക്ക് ആയിരുന്നു സ്പർസിന്റെ വിജയം.ആഞ്ചെ പോസ്റ്റകൊഗ്ലുവിന്റെ കീഴിൽ നല്ല കാലമാണ് സ്പർസിന് മുന്നിൽ ഉള്ളത് എന്ന് സൂചന നൽകുന്നതായിരുന്നു ഇന്നത്തെ പ്രകടനം.

മത്സരത്തിൽ തുടക്കം മുതൽ സ്പർസ് ആധിപത്യം പുലർത്തി. 17ആം മിനുട്ടിൽ സാറിന്റെ പാസിൽ നിന്ന് വന്ന അവസരം ഫിനിഷ് ചെയ്ത് മാഡിസൺ സ്പർസിന് ലീഡ് നൽകി. സ്പർസ് കരിയറിലെ മാഡിസന്റെ ആദ്യ ഗോളാണിത്. രണ്ടാം പകുതിയിൽ 63ആം മിനുട്ടിൽ കുളുസവേസ്കിയുടെ ഗോളിൽ സ്പർസ് ലീഡ് ഇരട്ടിയാക്കി.

ഈ വിജയത്തോടെ സ്പർസ് 3 മത്സരങ്ങള്ളിൽ നിന്ന് ഏഴ് പോയിന്റുമായി ലീഗിൽ തൽക്കാലം ഒന്നാം സ്ഥാനത്ത് നിൽക്കുകയാണ്‌‌. ബൗണ്മത് അവരുടെ സീസണിലെ ആദ്യ വിജയത്തിനായി ഇനിയും കാത്തിരിക്കണം.

ടോട്ടനത്തെ ഒന്നിനെതിരെ രണ്ടു ഗോളുകൾക്ക് വീഴ്ത്തി ആസ്റ്റൻവില്ലക്ക് വിജയം. സ്പർസിനെ സകലമേഖലകളിലും പിന്തള്ളി കൊണ്ട് മികച്ച പ്രകടനത്തോടെയാണ് ഉനയ് ഉമരിയുടെ ടീം വീണ്ടും വിജയപാതയിൽ തിരിച്ചെത്തിയത്. ഡഗ്ലസ് ലൂയിസ്, റാംസെ എന്നിവർ ജേതാക്കൾക്കായി വല കുലുക്കിയപ്പോൾ ടോട്ടനത്തിന്റെ ആശ്വാസ ഗോൾ ഹാരി കെയ്ൻ നേടി. ഇതോടെ പോയിന്റ് നിലയിൽ ടോട്ടനത്തിന് ഒപ്പമെത്താനും ആസ്റ്റൻ വില്ലക്കായി. 57 പോയിന്റ് വീതമുള്ള ഇരുവരും ആറും ഏഴും സ്ഥാനത്താണ്.

ഇരു ടീമുകൾക്കും മുന്തൂക്കമില്ലാതെ ആരംഭിച്ച ആദ്യ മിനിട്ടുകൾക്ക് ശേഷം ആസ്റ്റൻ വില്ല മത്സരത്തിൽ ലീഡ് എടുത്തു. ബെയ്ലെയുമായി ചേർന്ന് നടത്തിയ മികച്ചൊരു നീക്കത്തിനൊടുവിൽ ജെക്കോബ് റാംസെ യാണ് എട്ടാം മിനിറ്റിൽ വല കുലുക്കിയത്. പിന്നെ കെയിനിന്റെ പാസിൽ സോണിന് ലഭിച്ച അവസരത്തിൽ താരത്തിന് ഗോൾ നേടാനാവാതെ പോയെങ്കിലും റഫറി ഓഫ്‌സൈഡ് വിധിച്ചിരുന്നു. ബെയിലിയുടെ ശ്രമം ഫോസ്റ്റർ തടുത്തു. വാട്കിനസിനെ എമേഴ്‌സൻ വീഴ്ത്തിയതിന് വാർ ചെക്കിൽ പെനാൽറ്റി വിധിച്ചില്ല. മോറെനോയുടെ ക്രോസിൽ വാട്കിൻസിന്റെ ഹെഡർ ലക്ഷ്യത്തിൽ നിന്നും അകന്ന് പോയി. ബ്വെന്റിയയുടെ ശ്രമം പോസ്റ്റിൽ തട്ടി തെറിച്ചു. ആദ്യ പകുതിയിൽ ടോട്ടനം കൂടുതൽ ഗോളുകൾ വഴങ്ങാതെ രക്ഷപ്പെട്ടു.

രണ്ടാം പകുതിയിലും ആസ്റ്റൻവില്ല തന്നെ തുടക്കത്തിൽ അവസരങ്ങൾ സൃഷ്ടിച്ചു. 53ആം മിനിറ്റിൽ ഹൊയ്‌ബെർഗിന്റെ പാസിൽ നിന്നും ഗോൾ നേടാനുള്ള കെയിനിന്റെ ശ്രമം മർട്ടിനസ് തടുത്തു. കുലുസെവ്സ്കിയുടെ ശ്രമം പോസ്റ്റിൽ നിന്നും അകന്ന് പോയി. 72 ആം മിനിറ്റിൽ ആസ്റ്റൻ വില്ല ലീഡ് രണ്ടാക്കി ഉയർത്തി. ഡഗ്ലസ് ലൂയിസിന്റെ അതിമനോഹരമായ ഒരു ഫ്രീകിക്ക് ഫോസ്റ്ററുടെ കൈകളിൽ തട്ടി പോസ്റ്റിലേക്ക് തന്നെ കയറി. 90ആം മിനിറ്റിൽ റഫറി വിഡിയോ ചെക്കിന് ശേഷം അനുവദിച്ച പെനാൽറ്റിയിലൂടെ കെയിൻ ടോട്ടനത്തിന്റെ ആശ്വാസ ഗോൾ നേടി. മർട്ടിനസ് കെയിനിനെ വീഴ്ത്തിയതിനാണ് പെനാൽറ്റി വിധിച്ചത്. ഇഞ്ചുറി ടൈമിൽ കുലുസെവ്സ്കിയിലൂടെ ലഭിച്ച അവസരവും ഗോളാകാതെ പോയതോടെ ആസ്റ്റൻവില്ല വിജയം സ്വന്തമാക്കി.

നഗെൽസ്മാനും സ്പർസും തമ്മിലുള്ള ചർച്ചകൾ അവസാനിപ്പിച്ചു. മുൻ ബയേൺ മ്യൂണിക്ക് ബോസ് ജൂലിയൻ നാഗെൽസ്മാൻ ടോട്ടൻഹാമിന്റെ അടുത്ത മാനേജർ ആയി എത്തില്ല എന്ന് ഇതോടെ ഉറപ്പായി. നാഗെൽസ്മാൻ വരണം എങ്കിൽ അദ്ദേഹം ആവശ്യപ്പെടുന്ന സ്പോർട്സ് ഡയറക്ടറെ നിയമിക്കണം എന്ന ഒരു ഡിമാൻഡ് ഉണ്ടായിരുന്നു എന്നാണ് റിപ്പോർട്ടുകൾ. ഇത് നടക്കാതെ പോയതാണ് ചർച്ചകൾ അവസാനിക്കാൻ കാരണം.

പ്രീമിയർ ലീഗിൽ ആറാം സ്ഥാനത്തുള്ള സ്പർസ് മാർച്ചിൽ അന്റോണിയോ കോണ്ടെയെ പുറത്താക്കിയതു മുതൽ സ്ഥിരം മാനേജർ ഇല്ലാതെ നിൽക്കുകയാണ്. റയാൻ മേസൺ ആണ് ഇപ്പോൾ സ്പർസിന്റെ പരിശീലകൻ. അദ്ദേഹത്തിന് സ്ഥിര കരാർ നൽകാനും സ്പർസ് ഇപ്പോൾ ആലോചിക്കുന്നുണ്ട്‌. നേരത്തെ നഗൽസ്മാനും ചെൽസിയുമായും ചർച്ചകൾ നടത്തിയിരുന്നു. ആ ചർച്ചകളും പകുതിക്ക് അവസാനിക്കുക ആയിരുന്നു.

ടോട്ടൻഹാം ഹോട്‌സ്‌പറിന്റെ പുതിയ മാനേജറായി നഗൽസ്മാൻ ചുമതലയേൽക്കണം എന്ന് മുൻ മാഞ്ചസ്റ്റർ യുണൈറ്റഡ് പരിശീലകൻ റാൽഫ് റാങ്‌നിക്ക്. ചെൽസിയുമായി നേരത്തെ നഗൽസ്മാൻ ചർച്ചകൾ നടത്തിയിരുന്നു. എന്നാൽ പിന്നീട് അദ്ദേഹം തന്നെ ചെൽസി പരിശീലകനായി താൻ എത്തില്ല എന്നു പറഞ്ഞു. ഒരു മാസം മുമ്പ് ആയിരിന്നു നഗൽസ്മാൻ ബയേൺ പരിശീലക സ്ഥാനത്ത് നിന്ന് പുറത്താക്കപ്പെട്ടത്.

“പല തരത്തിൽ ടോട്ടൻഹാം ഒരു ആവേശകരമായ ക്ലബ്ബാണ്,” റാംഗ്നിക്ക് പറഞ്ഞു. “അവർക്ക് ലോകത്തിലെ ഏറ്റവും മികച്ച സ്റ്റേഡിയങ്ങളിൽ ഒന്നാണ്. അവർക്ക് ഏറ്റവും മികച്ച പരിശീലന സൗകര്യമുണ്ട്, കൂടാതെ നിരവധി വർഷങ്ങളായി ക്ലബ്ബ് നടത്തുന്ന ഡാനിയൽ ലെവി മികച്ച ഉടയുമാണ്.”

“ടോട്ടൻഹാമിന് ശരിക്കും ജൂലിയൻ നാഗെൽസ്മാനെ പരിശീലകനാക്കി എത്തിക്കണം. അദ്ദേഹത്തിന് അനുയോജ്യമായ ക്ലബാണിത്. നഗൽസ്മാനെ പിന്തുണയ്ക്കാൻ ഒരു സ്പോർടിംഗ് ഡയറക്ടറെയും സ്പർസ് കൊണ്ടു വരണം” നഗൽസ്മാൻ പറഞ്ഞു. ടോട്ടൻഹാം ഒരു കോച്ചിൽ നിന്ന് പെട്ടെന്നു തന്നെ കിരീടങ്ങൾ ആഗ്രഹിക്കുന്ന ഒരു ക്ലബല്ല. അതുകൊണ്ട് തന്നെ നഗൽസ്മാൻ അവിടെ എത്തിയാൽ ആവശ്യത്തിന് സമയം കിട്ടും എന്നും റാഗ്നിക്ക് പറഞ്ഞു.