Tag: SPURS

ടോട്ടൻഹാം ഡിഫൻഡർ മാറ്റ് ഡോഹെർട്ടിയെ സ്പാനിഷ് വമ്പൻമാരായ അത്ലറ്റിക്കോ മാഡ്രിഡ് സ്വന്തമാക്കി. ലോൺ കരാറിലാണ് ഡോഹെർട്ടി മാഡ്രിഡിൽ എത്തുന്നത്‌. അന്റോണിയോ കോണ്ടെയുടെ കീഴിൽ ഈ സീസണിൽ അധികം അവസരം ഡൊഹെർട്ടിക്ക് ലഭിച്ചിരുന്നില്ല. സ്പർസ് പകരം റൈറ്റ് ബാക്ക് പെഡ്രോ പോറോയെ ടീമിൽ എത്തിക്കുന്നുമുണ്ട്. ഇതാദ്യമായല്ല ഒരു സ്പർസ് ഫുൾബാക്ക് അത്ലറ്റിക്കോയിൽ എത്തുന്നത്. 2019 ൽ കീറൻ ട്രിപ്പിയർ ഇതേ പോലെ അത്ലറ്റിക്കോയിലേക്ക് പോയിരുന്നു.

സ്പോർടിംഗ് താരം പെഡ്രോ പോറോയെ സ്പർസ് സ്വന്തമാക്കി. പെഡ്രോ പോറോക്ക് വേണ്ടിയുള്ള സ്പർസ് ചർച്ചകൾ പരാജയപ്പെടുമോ എന്ന ഭീതി ഉണ്ടായിരുന്നു എങ്കിലും താരം ഇന്ന് ലണ്ടണിൽ എത്തി മെഡിക്കൽ പൂർത്തിയാക്കുകയും കരാർ ഒപ്പുവെക്കുകയും ചെയ്യും എന്ന് ഫബ്രിസിയോ പറഞ്ഞു. പോറോ 2028വരെയുള്ള കരാർ ഒപ്പുവെക്കും.

നാല്പത്തിയഞ്ചു മില്യൺ യൂറോക്ക് അടുത്ത് സ്പർസ് സ്പോർടിംഗിന് നൽകും. ജിറോണയിലെ മികച്ച പ്രകടനത്തോടെ 2019ൽ മാഞ്ചസ്റ്റർ സിറ്റിയിൽ എത്തിയ പൊറോ തുടർന്ന് ലോണിൽ പോവുകയായിരുന്നു. 2020 മുതൽ സ്പോർട്ടിങ് നിരയിൽ ഉണ്ട്. ഇത്തവണ സീസണിൽ ഒരു ഗോളും അഞ്ച് അസിസ്റ്റുമായി മികച്ച ഫോമിലാണ് പൊറോ. ആകെ തൊണ്ണൂറോളം മത്സരങ്ങളിൽ നിന്നും പതിനൊന്ന് ഗോളും പത്തൊൻപത് അസിസ്റ്റും സ്പോർട്ടിങ് ജേഴ്‌സിയിൽ കുറിച്ചിട്ടുണ്ട്. റൈറ്റ് ബാക്ക് ആയും വിങ് ബാക്ക് ആയും ഒരു പോലെ തിളങ്ങാൻ കഴിയുന്ന താരമാണ്.

ജനുവരി ട്രാൻസ്ഫറിൽ ഏറ്റവും നാടകീയമായ ട്രാൻസ്ഫർ ആയി ഡാഞ്ചുമയുടെ ട്രാൻസ്ഫർ മാറുകയാണ്. എവർട്ടണിൽ കരാർ ഒപ്പുവെക്കും എന്ന് ഏവരും പ്രതീക്ഷിച്ച ഡാഞ്ചുമ ഇനി സ്പർസിനായി കളിക്കും. എവർട്ടണിൽ മെഡിക്കൽ അടക്കം കഴിഞ്ഞ താരം അവസാനം യുടേൺ എടുത്ത് സ്പർസിലേക്ക് പോയിരിക്കുകയാണ്. സ്പർസിൽ താരത്തിന്റെ മെഡിക്കൽ പൂർത്തിയായി. താരം ഉടൻ കരാർ ഒപ്പുവെക്കും.

വിയ്യാറയൽ താരം അവിടെ അധികം അവസരം ലഭിക്കാത്തത് കൊണ്ടായിരുന്നു ക്ലബ് വിടാൻ തയ്യാറായത്. നേരത്തെ ഉനയ് ഉമരിക്ക് കീഴിൽ വിയ്യാറയൽ ടീമിലെ പ്രധാന താരങ്ങളിൽ ഒരാളായിരുന്ന ഡാഞ്ചുമക്ക് എന്നാൽ കിക്കെ സെറ്റിയന് കീഴിൽ അത്ര നല്ല സമയമല്ല. ഇതോടെയാണ് കൂടുമാറാനുള്ള നീക്കങ്ങൾ ഇരുപത്തിയഞ്ചുകാരൻ ആരംഭിച്ചത്. നേരത്തെ ബേൺമൗത്തിന് വേണ്ടി പ്രീമിയർ ലീഗിൽ ബൂട്ടു കെട്ടിയിട്ടുണ്ട് താരം. വിയ്യാറയലിൽ 51 മത്സരങ്ങളിൽ നിന്നും 22 ഗോളുകൾ സ്വന്തമാക്കി.

ഇത്തവണ ട്രാൻസ്ഫർ വിൻഡോയിലെ തങ്ങളുടെ ലക്ഷ്യങ്ങളിൽ ഒന്നായ സ്പാനിഷ് താരം പെഡ്രോ പൊറോക്ക് വേണ്ടിയുള്ള നീക്കങ്ങളുമായി ടോട്ടനം മുന്നോട്ട്. സ്പോർട്ടിങ്ങുമായുള്ള ചർച്ചകൾ ടോട്ടനം നടത്തി വരികയാണെന്ന് ഫാബ്രിസിയോ റൊമാനോ റിപ്പോർട്ട് ചെയ്യുന്നു. താരത്തിന് കൈമാറ്റത്തിൽ സമ്മതമാണെങ്കിലും കൈമാറ്റ തുകയിൽ തട്ടിയാണ് ചർച്ചകൾ നീണ്ടു പോകുന്നത് എന്നാണ് സൂചനകൾ. നാല്പത്തിയഞ്ചു മില്യൺ യൂറോയാണ് താരത്തിന്റെ റിലീസ് ക്ലോസ്. ഇത് പൂർണമായും നൽകിയാൽ പൊറോയെ വിട്ടു നൽകാൻ സ്പോർട്ടിങ്ങിന് സമ്മതമാണ്. എന്നാൽ ഒറ്റ തവണയിൽ തുക മുഴുവനായി നൽകാൻ ടോട്ടനത്തിന് ഇതുവരെ താൽപര്യമില്ല. ഈ വാരം തന്നെ ടീമുകൾ തമ്മിലുള്ള തുടർ ചർച്ചകൾ നടക്കും.

റൈറ്റ് ബാക്ക് സ്ഥാനത്ത് തുടർച്ചയായി തിരിച്ചടികൾ നേരിടാൻ തുടങ്ങിയതോടെയാണ് ടോട്ടനം പുതിയ താരങ്ങളെ അന്വേഷിച്ച് ഇറങ്ങിയത്. എമേഴ്‌സനും ദോഹർടിക്കും ടീമിന് കാര്യമായ സംഭാവനകൾ നൽകാൻ സാധിക്കുന്നില്ല. ജിറോണയിലെ മികച്ച പ്രകടനത്തോടെ 2019ൽ മാഞ്ചസ്റ്റർ സിറ്റിയിൽ എത്തിയ പൊറോ തുടർന്ന് ലോണിൽ പോവുകയായിരുന്നു. 2020 മുതൽ സ്പോർട്ടിങ് നിരയിൽ ഉണ്ട്. ഇത്തവണ സീസണിൽ ഒരു ഗോളും അഞ്ച് അസിസ്റ്റുമായി മികച്ച ഫോമിലാണ് പൊറോ. ആകെ തൊണ്ണൂറോളം മത്സരങ്ങളിൽ നിന്നും പതിനൊന്ന് ഗോളും പത്തൊൻപത് അസിസ്റ്റും സ്പോർട്ടിങ് ജേഴ്‌സിയിൽ കുറിച്ചിട്ടുണ്ട്. റൈറ്റ് ബാക്ക് ആയും വിങ് ബാക്ക് ആയും ഒരു പോലെ തിളങ്ങാൻ കഴിയുന്ന താരത്തെ കോന്റെയുടെ പദ്ധതികൾ ഇണങ്ങുന്ന താരമായാണ് ടോട്ടനം വിലയിരുത്തുന്നത്.