ടോട്ടൻ ഈ സീസണിൽ പതിവായി കണ്ടുവരുന്ന സ്പർസേ അല്ല. ഇന്ന് ക്രിസറ്റൽ പാലസിനെ അവരുടെ ഗ്രൗണ്ടിൽ ചെന്ന് നേരിട്ട സ്പർസ് ഒന്നിനെതരെ രണ്ടു ഗോളുകളുടെ വിജയമാണ് നേരിട്ടത്. പ്രീമിയർ ലീഗിലെ സ്പർസിന്റെ ഒന്നാം സ്ഥാനം ഉറപ്പിക്കുന്ന വിജയമാണ് ഇത്. ഇന്ന് മൂന്നു ഗോളുകളും രണ്ടാം പകുതിയിൽ ആണ് വന്നത്.
53ആം മിനുട്ടിൽ ഒരു സെൽഫ് ഗോളിൽ നിന്നായിരുന്നു സ്പർസ് ലീഡ് എടുത്തത്. മാഡിസന്റെ പന്ത് തടയാൻ ശ്രമിക്കുന്നതിനിടയിൽ വാർഡ് സെൽഫ് ഗോൾ വഴങ്ങുകയായിരുന്നു. 66ആം മിനുട്ടിൽ ഹ്യുങ് മിൻ സോണിലൂടെ സ്പർസ് ലീഡ് ഇരട്ടിയാക്കി. മത്സരത്തിന്റെ ഇഞ്ച്വറി ടൈമിൽ പാലസ് ജോർദ അയുവിലൂടെ ഒരു ഗോൾ മടക്കി. സ്കോർ 2-1. അവസാന മിനുട്ടുകൾ ഇത് ആവേശകരമാക്കി എങ്കിലും സ്പർസ് തന്നെ വിജയിച്ചു.
10 മത്സരങ്ങളിൽ നിന്ന് 26 പോയിന്റ് ആണ് സ്പർസിന് ഇള്ളത്. രണ്ടാമതുള്ള സിറ്റിയെക്കാൾ 5 പോയിന്റിന്റെ ലീഡ് സ്പർസിന് ഉണ്ട്. സ്പർസ് ലീഗിൽ ഇതുവരെ പരാജയം ഏറ്റുവാങ്ങിയിട്ടില്ല.