അയര്ലണ്ടിനെതിരെ ഇന്നിംഗ്സിനും പത്ത് റൺസിനും വിജയിച്ച് ഗോളിലെ രണ്ടാം ടെസ്റ്റും സ്വന്തമാക്കി ശ്രീലങ്ക. ആദ്യ ഇന്നിംഗ്സിൽ 492 റൺസ് നേടിയ അയര്ലണ്ടിനെ രണ്ടാം ഇന്നിംഗ്സിൽ വെറും 202 റൺസിന് ഓള്ഔട്ട് ആക്കിയാണ് ശ്രീലങ്കന് വിജയം.
704/3 എന്ന നിലയിൽ 212 റൺസ് ഒന്നാം ഇന്നിംഗ്സ് ലീഡ് നേടുവാന് ശ്രീലങ്കയ്ക്ക് സാധിച്ചിരുന്നു. രമേഷ് മെന്ഡിസ് 5 വിക്കറ്റും അസിത ഫെര്ണാണ്ടോ മൂന്ന് വിക്കറ്റും നേടിയപ്പോള് 2 വിക്കറ്റ് നേടിയ പ്രഭാത് ജയസൂര്യയും അയര്ലണ്ടിന്റെ തോൽവി ഉറപ്പാക്കി.
85 റൺസ് നേടിയ ഹാരി ടെക്ടര് ആണ് അയര്ലണ്ടിന്റെ രണ്ടാം ഇന്നിംഗ്സിലെ ടോപ് സ്കോറര്. ആന്ഡ്രൂ ബാൽബിര്ണേ 46 റൺസും നേടി.
