ഗോള് ടെസ്റ്റിൽ മോശം വെളിച്ചം കാരണം രണ്ടാം ദിവസത്തെ കളി നേരത്തെ നിര്ത്തുമ്പോള് ഓസ്ട്രേലിയ 313/8 എന്ന നിലയിൽ. ശ്രീലങ്കയുടെ ഇന്നിംഗ്സ് 212 റൺസിൽ അവസാനിച്ച ശേഷം ബാറ്റിംഗിനിറങ്ങിയ ഓസ്ട്രേലിയയ്ക്ക് ഇപ്പോള് 101 റൺസിന്റെ ലീഡാണുള്ളത്.
77 റൺസ് നേടിയ കാമറൺ ഗ്രീനും 71 റൺസ് നേടിയ ഉസ്മാന് ഖവാജയും ആണ് ടീമിന്റെ പ്രധാന സ്കോറര്മാര്. അലക്സ് കാറെ 45 റൺസും നേടി. 26 റൺസുമായി പാറ്റ് കമ്മിന്സും എട്ട് റൺസ് നേടി നഥാന് ലയണും ആണ് ഓസ്ട്രേലിയയ്ക്കായി ക്രീസിലുള്ളത്.
രമേശ് മെന്ഡിസ് നാലും ജെഫ്രി വാന്ഡെര്സേ രണ്ട് വിക്കറ്റും ശ്രീലങ്കയ്ക്കായി നേടി. രണ്ടാം ദിവസത്തെ കളി മഴ കാരണം വൈകിയാണ് തുടങ്ങിയത്. പിന്നീട് വെളിച്ചക്കുറവ് കാരണം കളി നേരത്തെ നിര്ത്തുകയും ചെയ്തു.