Tag: Pedri

ബാഴ്സലോണയുടെ രണ്ട് പ്രധാന മധ്യനിര താരങ്ങൾക്ക് പരിക്ക്. ഇന്നലെ നടന്ന അത്ലറ്റിക് ബിൽബാവോക്ക് എതിരായ ലാലിഗ മത്സരത്തിൽ ഡിയോങിനും പെഡ്രിക്കും പരിക്കേറ്റു. ഇരുവരും ദീർഘകാലം പുറത്ത് ഇരിക്കേണ്ടി വരും എന്നാണ് ആദ്യ സൂചനകൾ. ബാഴ്സലോണയുടെ ചാമ്പ്യൻസ് ലീഗ് പ്രീക്വാർട്ടർ രണ്ടാം പാദത്തിൽ ഇരുവരും എന്തായാലും ഉണ്ടാകില്ല.

ഡിയോംഗിന് ആംഗിൾ ഇഞ്ച്വറിയാണ്. ചുരുങ്ങിയത് ഒരു മാസം എങ്കിലും താരം പുറത്തിരിക്കേണ്ടി വരും. പെഡ്രിയുടെ പരിക്കിനെ കുറിച്ചുള്ള വിശദാംശങ്ങൾ വന്നിട്ടില്ല. പെഡ്രി കരഞ്ഞു കൊണ്ടാണ് കളം വിട്ടത്. തുടർച്ചയായി പരിക്കുകൾ പെഡ്രിയെ ഇപ്പോൾ വേട്ടയാടുകയാണ്. ബാഴ്സലോണയുടെ മറ്റൊരു മിഡ്ഫീൽഡർ ആയ ഗവിയും പരിക്കേറ്റ് പുറത്താണ്. മൂന്ന് പ്രധാന മധ്യനിര താരങ്ങൾ പുറത്ത് ഇരിക്കുന്നത് ബാഴ്സലോണയെ വരും ആഴ്ചകളിൽ കാര്യമായി തന്നെ ബാധിക്കും എന്നാണ് ആരാധകർ ആശങ്കപ്പെടുന്നത്.

ആഴ്ച്ചകൾക്ക് ശേഷം വീണ്ടും കളത്തിൽ എത്താൻ പെഡ്രി. നീണ്ട 70 ദിവസങ്ങൾക്ക് ശേഷം നാളെ നടക്കുന്ന റയൽ സോസിഡാഡിനെതിരായ ബാഴ്‌സലോണ സ്ക്വാഡിൽ താരം ഇടം പിടിച്ചു. താരം പൂർണ സജ്ജനാണെന്ന് സാവി പറഞ്ഞു. ലീഗ് മത്സരത്തിന് മുന്നോടിയായി വാർത്താ സമ്മേളനത്തിൽ പങ്കെടുക്കുകയായിരുന്നു ബാഴ്‍സ കോച്ച്. ആദ്യ ഇലവനിൽ തന്നെ എത്തിയേക്കില്ലെങ്കിലും പകരക്കാരനായി പെഡ്രിക്ക് അവസരം ലഭിക്കുമെന്ന് ഉറപ്പാണ്. നേരത്തെ ഓഗസ്റ്റിൽ വിയ്യാറയലിനെതിരായ മത്സരത്തിന്റെ തയ്യാറെടുപ്പിന് ഇടയിലാണ് താരത്തിന് പരിക്കേറ്റത്.

അതേ സമയം തന്റെ ബാഴ്‌സ കരിയറിലെ ആദ്യ സീസണിൽ തന്നെ എഴുപതോളം മത്സരങ്ങൾ കളിച്ച താരത്തിന് ഇപ്പോൾ തുടർച്ചയായി പരിക്കിന്റെ ഭീഷണി ഉയരുന്നത് ക്ലബ്ബിന് ആശങ്ക സൃഷ്ടിക്കും എന്നുറപ്പാണ്. ചെറുതും വലുതുമായി ഈ വർഷം മാത്രം മൂന്ന് തവണ താരം പരിക്കിന്റെ പിടിയിൽ ആയി. അത് കൊണ്ട് തന്നെ താരം നേരത്തെ പരിശീലനം പുനരാരംഭിച്ചിട്ടും പരിക്ക് ഭേദമായെന്ന് നൂറു ശതമാനം ഉറപ്പാക്കിയിട്ട് മാത്രം തിരികെ കളത്തിലേക്ക് കൊണ്ടു വരാനായിരുന്നു ബാഴ്‌സയുടെ തീരുമാനം. എന്നാൽ ഡിയോങ്ങിന്റെ തിരിച്ചു വരവ് ഇനിയും വൈകും എന്നാണ് സൂചന. പെഡ്രിയുടെ മടങ്ങി വരവ് ബാഴ്‌സ മധ്യനിരക്ക് കൂടുതൽ ഊർജം പകരും.

ബാഴ്സലോണയുടെ യുവതാരങ്ങളായ പെഡ്രിയെയും ഗവിയെയും പുകഴ്ത്തി കൊണ്ട് ബാഴ്സലോണ പരിശീലകൻ സാവി. എനിക്കും ഇനിയേസ്റ്റക്കും 20 വയസ്സുള്ളപ്പോൾ ഞങ്ങൾ ഇപ്പോൾ പെദ്രിയും ഗവിയും ഉള്ള അത്ര മികച്ച ലെവലിൽ ആയിരുന്നില്ല എന്ന് സാവി പറഞ്ഞു.

20 വയസ്സിൽ അവർ ഞങ്ങളെക്കാൾ മികച്ചവരാണ് സാവി പറഞ്ഞു. ഗവിക്ക് ഇപ്പോഴും 18 വയസ്സേ ആയിട്ടുള്ളൂ. 20-ലും 18-ലും ആദ്യ ടീമിൽ അവർ ഞങ്ങളേക്കാൾ കൂടുതൽ ചെയ്യുന്നു. അദ്ദേഹം പറഞ്ഞു.

പെഡ്രിയെയും ഗവിയെയും കൂടാതെ ഗാർസിയയും അൻസു ഫാത്തിയും ഞങ്ങൾക്ക് ഒപ്പം ഉണ്ട് എന്ന് സാവി പറഞ്ഞു. ഞങ്ങൾ ഈ യുവതാരങ്ങളുടെ നിലവാരത്തിൽ ആയിരുന്നില്ല എന്നും സാവി ആവർത്തിച്ചു. ലാ ലിഗ വിജയിക്കുന്നത് ആണ് ബാഴ്‌സലോണയുടെ ഈ സീസണിലെ പ്രധാന ലക്ഷ്യം എന്നും സാവി പറഞ്ഞു.