Tag: Nitish Rana

ഇന്നലെ ചെന്നൈ സൂപ്പർ കിംഗ്സിന് എതിരായ മത്സരത്തിലെ കുറഞ്ഞ ഓവർ നിരക്കിന് കൊൽക്കത്ത നൈറ്റ് റൈഡേഴ്സ് ക്യാപ്റ്റൻ നിതീഷ് റാണക്ക് പിഴ. ഇന്നലെ ചെന്നൈയെ തോൽപ്പിച്ച കൊൽക്കത്ത നൈറ്റ് റൈഡേഴ്‌സ് നായകൻ നിതീഷ് റാണയ്ക്ക് 24 ലക്ഷം രൂപ പിഴ ആണ് ചുമത്തിയിരിക്കുന്നത്. കൊൽക്കത്തയിൽ നൈറ്റ് റൈഡേഴ്സിന്റെ രണ്ടാം കുറ്റം ആയതിനാൽ ആണ് പിഴ 24 ലക്ഷത്തിൽ എത്തിയത്.

മിനിമം ഓവർ റേറ്റുമായി ബന്ധപ്പെട്ട ഐപിഎല്ലിന്റെ പെരുമാറ്റച്ചട്ടം അനുസരിച്ച് ഈ സീസണിലെ തന്റെ ടീമിന്റെ രണ്ടാം കുറ്റമായതിനാൽ, റാണയ്ക്ക് 24 ലക്ഷം രൂപ പിഴ ചുമത്തി. ഐ പി എൽ ഔദ്യോഗിക പ്രസ്താവനയിൽ പറഞ്ഞു. നേരത്തെ പഞ്ചാബ് കിംഗ്സിന് എതിരായ ഹോം മത്സരത്തിലും നിതീഷിന് പിഴ ലഭിച്ചിരുന്നു.

ഇന്നലെ കൊൽക്കത്തയിൽ നടന്ന മത്സരത്തിൽ രാജസ്ഥാൻ റോയൽസിനെതിരെ 150 റൺസ് പ്രതിരോധിക്കുന്നതിനിടെ ആദ്യ ഓവർ എറിയാനുള്ള നിതീഷ് റാണയുടെ തീരുമാനം വലിയ വിമർശനമാണ് നേരിടുന്നത്. എന്നാൽ ക്യാപ്റ്റൻ എ പ്രതിരോധിച്ച് കൊൽക്കത്ത നൈറ്റ് റൈഡേഴ്സ് ഓൾറൗണ്ടർ വെങ്കിടേഷ് അയ്യർ രംഗത്ത് എത്തി.

ആദ്യ ഓവർ എറിഞ്ഞ നിതീഷ് റാണ ആദ്യ ഓവറിൽ 26 റൺസ് ആണ് വഴങ്ങിയത്. “നിതീഷിന് പന്ത് നന്നായി അറിയാൻ ആകും എന്ന് നമുക്കെല്ലാവർക്കും അറിയാം, അദ്ദേഹം തന്റെ കരിയറിൽ നിർണായക വിക്കറ്റുകൾ വീഴ്ത്തിയിട്ടുണ്ട്, ക്രീസിൽ ഇടംകൈയ്യൻ ഉണ്ടാകുമ്പോൾ ഓഫ് സ്പിന്നർ ഒരു തെറ്റായ ഓപ്ഷനാണെന്ന് ഞാൻ കരുതുന്നില്ല. അയ്യർ പറഞ്ഞു.

നിർഭാഗ്യവശാൽ ഇന്നലെ അത് വർക്ക് ആയില്ല. അദ്ദേഹം ഒരു വിക്കറ്റ് വീഴ്ത്തിയിരുന്നെങ്കിൽ അതൊരു മാസ്റ്റർ സ്ട്രോക്ക് ആകുമായിരുന്നു. ആരും ഈ വിമർശനങ്ങൾ ഉന്നയിക്കില്ലായിരുന്നു. വെങ്കിടേഷ് അയ്യർ മത്സരത്തിന് ശേഷമുള്ള മത്സരത്തിൽ പറഞ്ഞു.

ഇന്ന് പരാജയപ്പെട്ടതിൽ മറ്റുള്ളവരുടെ അഭിപ്രായങ്ങൾ താൻ കാര്യമാക്കുന്നില്ലെന്ന് കൊൽക്കത്ത നൈറ്റ് റൈഡേഴ്സ് ക്യാപ്റ്റൻ നിതീഷ് റാണ. ഇന്ന് 150 റൺസ് ഡിഫൻഡ് ചെയ്യാൻ ഇറങ്ങിയ കൊൽക്കത്ത നൈറ്റ് റൈഡേഴ്സിനായി ആദ്യ ഓവർ എറിയാൻ വന്നത് ക്യാപ്റ്റൻ നിതീഷ് റാണ തന്ന്സ് ആയിരുന്നു. എന്നാൽ യശസ്വി ജയ്‌സ്വാൾ ആ ഓവറിൽ 26 റൺസ് ആണ് അടിച്ചത്.

“ജയ്സ്വാളിന്റെ ഇന്നിംഗ്സ് പ്രശംസനീയമായിരുന്നു. ബാറ്റിൽ ഞങ്ങൾ ഒരുപാട് പിഴവുകൾ വരുത്തി, അതാണ് രണ്ട് പോയിന്റ് നഷ്ടമാകാൻ കാരണം, ”മത്സരത്തിന് ശേഷം റാണ പറഞ്ഞു.

“ലോകം എന്നെ കുറിച്ച് എന്ത് പറയുന്നു എന്നത് കാര്യമാക്കേണ്ട. ഒരു പാർട്ട് ടൈമറായി ബൗൾ ചെയ്ത് ഫോമിലുള്ള ജയ്‌സ്വാളിനെ പുറത്താക്കാമെന്ന് കരുതിയതിനാലാണ് ഞാൻ ആദ്യം ബൗൾ ചെയ്തത്, പക്ഷേ ഇത് അദ്ദേഹത്തിന്റെ ദിവസമായിരുന്നു, ” നിതീഷ് കൂട്ടിച്ചേർത്തു.

തിങ്കളാഴ്ച ഈഡൻ ഗാർഡൻസിൽ പഞ്ചാബ് കിംഗ്‌സിനെതിരായ മത്സരത്തിലെ കുറഞ്ഞ ഓവർ നിരക്കിന് കൊൽക്കത്ത നൈറ്റ് റൈഡേഴ്സ് ക്യാപ്റ്റൻ നിതീഷ് റാണക്ക് പിഴ. അവസാന പന്തിൽ വിജയിച്ച കൊൽക്കത്ത നൈറ്റ് റൈഡേഴ്‌സ് നായകൻ നിതീഷ് റാണയ്ക്ക് 12 ലക്ഷം രൂപ പിഴ ആണ് ചുമത്തിയിരിക്കുന്നത്. കൊൽക്കത്തയിൽ നൈറ്റ് റൈഡേഴ്സിന്റെ ആദ്യ കുറ്റം ആയതിനാൽ ആണ് പിഴ 12 ലക്ഷത്തിൽ ഒതുങ്ങിയത്.

മിനിമം ഓവർ റേറ്റുമായി ബന്ധപ്പെട്ട ഐപിഎല്ലിന്റെ പെരുമാറ്റച്ചട്ടം അനുസരിച്ച് ഈ സീസണിലെ തന്റെ ടീമിന്റെ ആദ്യ കുറ്റമായതിനാൽ, റാണയ്ക്ക് 2 ലക്ഷം രൂപ പിഴ ചുമത്തി. ഐ പി എൽ ഔദ്യോഗിക പ്രസ്താവനയിൽ പറഞ്ഞു.

കൊൽക്കത്തയ്ക്ക് ഈ സ്ലോപ്പി ബാറ്റിംഗുമായി തുടരാനാകില്ലെന്ന് പറഞ്ഞ് ടീം ക്യാപ്റ്റന്‍ നൈറ്റ് റൈഡേഴ്സ് നിതീഷ് റാണ. ഗുര്‍ബാസും ആന്‍ഡ്രേ റസ്സലും ഒഴികെ ആരും തന്നെ മികവ് പുലര്‍ത്തിയില്ലെന്നും 20-25 റൺസ് കുറവായിരുന്നു കൊൽക്കത്തയുടെ സ്കോര്‍ എന്നും നിതീഷ് റാണ വ്യക്തമാക്കി.

മധ്യ ഓവറുകളിൽ മികച്ച കൂട്ടുകെട്ടുണ്ടായിരുന്നുവെങ്കിൽ കൊൽക്കത്തയ്ക്ക് കൂടുതൽ മികവ് പുലര്‍ത്താനാകുമെന്നും നിതീഷ് റാണ പറഞ്ഞു. നിര്‍ണ്ണായക മത്സരങ്ങളിൽ മൂന്ന് ഡിപ്പാര്‍ട്മെന്റുകളിലും മികവ് പുലര്‍ത്തിയാൽ മാത്രമേ ടീമിന് വിജയിക്കാനാകുള്ളുവെന്നും നിതീഷ് റാണ സൂചിപ്പിച്ചു.

ഇന്നലെ ഗുജറാത്ത് ടൈറ്റൻസിനെതിരെ പരാജയപ്പെട്ടതിന് കാരണം ക്യാച്ചുകൾ കൈവിട്ടതാണ് എന്ന് എന്ന് കൊൽക്കത്ത നൈറ്റ് റൈഡേഴ്‌സ് ക്യാപ്റ്റൻ നിതീഷ് റാണ. ഇന്നലെ ഞങ്ങൾക്ക് 20-25 റൺസ് കുറവായിരുന്നുവെന്ന് ഞാൻ കരുതുന്നു. വമ്പൻ ടീമുകൾക്കെതിരെ ക്യാച്ചുകൾ ഉപേക്ഷിക്കുന്നത് തുടർന്നാൽ, ഫലം വ്യത്യസ്തമാകുമെന്ന് ഞാൻ കരുതുന്നില്ല. നിതീഷ് റാണ പറഞ്ഞു.

ഗുർബാസും റസ്സലും ഒഴികെ മറ്റാരും തിളങ്ങിയില്ല. വേണ്ടത്ര റൺസ് ഇല്ലായിരുന്നു. 40-50 റൺസിന്റെ കൂട്ടുകെട്ടു ഉണ്ടായിരുന്നെങ്കിൽ സ്‌കോർ ഇതിലും കൂടുതലാകുമായിരുന്നു. അദ്ദേഹം പറഞ്ഞു. മികച്ച ടീമുകൾക്കെതിരെ, നിങ്ങൾ നിങ്ങളുടെ അവസരങ്ങൾ മുതലാക്കിയില്ലെങ്കിൽ, നിങ്ങൾ പരാജയപ്പെടും മത്സരത്തിന് ശേഷമുള്ള അവതരണ ചടങ്ങിൽ നിതീഷ് റാണ പറഞ്ഞു.