വെല്ലിംഗ്ടൺ ടെസ്റ്റിന്റെ മൂന്നാം ദിവസം ലഞ്ചിനായി പിരിയുമ്പോള് ഓസ്ട്രേലിയ രണ്ടാം ഇന്നിംഗ്സിൽ 113/4 എന്ന നിലയിൽ. ആദ്യ ഇന്നിംഗ്സിൽ 383 റൺസ് നേടിയ ടീം ന്യൂസിലാണ്ടിന്റെ ഒന്നാം ഇന്നിംഗ്സ് 179 റൺസിന് അവസാനിപ്പിച്ചിരുന്നു. ടീമിന് ഇപ്പോള് 317 റൺസിന്റെ ലീഡാണുള്ളത്.
41 റൺസ് നേടിയ നൈറ്റ് വാച്ച്മാന് നഥാന് ലയൺ 28 റൺസ് നേടിയ ഉസ്മാന് ഖവാജ എന്നിവര്ക്കൊപ്പം സ്റ്റീവ് സ്മിത്തിനെയും(0) മാര്നസ് ലാബൂഷാനെയെയും (2) ആണ് ഓസ്ട്രേലിയയ്ക്ക് നഷ്ടമായത്.
17 റൺസുമായി കാമറൺ ഗ്രീനും 24 റൺസ് നേടി ട്രാവിസ് ഹെഡുമാണ് ഓസ്ട്രേലിയയ്ക്കായി ക്രീസിലുള്ളത്. ന്യൂസിലാണ്ടിന് വേണ്ടി ടിം സൗത്തി 2 വിക്കറ്റ് നേടി.