Tag: Moeen Ali

ഇന്ത്യയിൽ നടക്കാനിരിക്കുന്ന 2023 ലോകകപ്പിന് ശേഷം ഏകദിന ക്രിക്കറ്റിൽ നിന്ന് വിരമിക്കുന്നതിനെക്കുറിച്ച് ആലോചിക്കുകയാണ് എന്ന് മൊയീൻ അലി. തന്റെ ഇപ്പോഴത്തെ പ്രധാന ലക്ഷ്യം ഏകദിന ലോകകപ്പിൽ കളിക്കുകയാണെന്ന് മൊയീൻ അലി പറഞ്ഞു.

“ഞാൻ ഒരുപാട് ലക്ഷ്യങ്ങൾ വെയ്ക്കുന്നില്ല, പക്ഷേ ലോകകപ്പ് കളിക്കണം, ആ ലോകകപ്പിന്റെ ഭാഗമാകണം, ആ ലോകകപ്പ് വിജയിക്കാൻ ആകും എന്ന് ഞാൻ പ്രതീക്ഷിക്കുന്നു, അതിനുശേഷം എന്താകും എന്ന് തനിക്ക് അറിയില്ല” അദ്ദേഹം പറഞ്ഞു.

ഞാൻ വിരമിക്കുമെന്നോ വിരമിക്കില്ലെന്നോ ഞാൻ പറയുന്നില്ല. പക്ഷെ 35-ൽ ഇനിയും ഏഴോ എട്ടോ മാസം കളിക്കുക പ്രയാസമാണ്. അടുത്ത ലോകകപ്പിനായി പുതിയ യുവതാരങ്ങൾ ഒരുങ്ങട്ടെ. അതിനായി അവർക്ക് അവസരം നൽകുകയാണ് താൻ ആഗ്രഹിക്കുന്ന കാര്യം എന്നും മോയിൻ അലി പറഞ്ഞു മ്

ടെസ്റ്റ് ക്രിക്കറ്റിൽ നിന്ന് സെപ്റ്റംബര്‍ 2021ൽ വിരമിക്കൽ തീരുമാനം പ്രഖ്യാപിച്ച മോയിന്‍ അലി ബ്രണ്ടന്‍ മക്കല്ലം കോച്ചായി ചുമതലയേറ്റ ശേഷം തിരികെ ടെസ്റ്റിലേക്ക് മടങ്ങിയെത്തുന്നതിനെക്കുറിച്ച് ആലോചിക്കുന്നുണ്ടെന്ന് വ്യക്തമാക്കിയിരുന്നു. എന്നാൽ ഇപ്പോള്‍ താരം തന്നെ തിരിച്ചുവരവ് നടത്തുവാന്‍ ഉദ്ദേശിക്കുന്നില്ലെന്ന് വ്യക്തമാക്കുകയായിരുന്നു.

താന്‍ ഇപ്പോള്‍ ക്രിക്കറ്റ് ആസ്വദിക്കുകയാണെന്നും തിരിച്ചുവരവ് നടത്തി പിന്നീട് തനിക്ക് ഈ രീതിയിൽ ക്രിക്കറ്റ് ആസ്വദിക്കുവാന്‍ സാധിക്കാതെ പോകുവാനുള്ള സാധ്യതയുണ്ടെന്നും മോയിന്‍ അലി പറഞ്ഞു.

താനും മക്കല്ലവും ഇതിനെക്കുറിച്ച് ചര്‍ച്ച ചെയ്തതാണെന്നും ടെസ്റ്റ് ക്രിക്കറ്റിൽ ഇനി തനിക്ക് തന്റെ മുഴുവന്‍ എഫേര്‍ട്ടും എടുത്ത് കളിക്കാനാകുമെന്ന് തോന്നുന്നില്ലെന്നും മോയിന്‍ സൂചിപ്പിച്ചു. ഇംഗ്ലണ്ടിനായി 64 ടെസ്റ്റ് മത്സരങ്ങള്‍ കളിച്ചത് തന്നെ വലിയ കാര്യമാണെന്ന് താന്‍ കരുതുന്നുവെന്നും മോയിന്‍ കൂട്ടിചേര്‍ത്തു.

പാകിസ്താന് എതിരായ ടി20 പരമ്പരയിലെ ആദ്യ മത്സരത്തിൽ ഇംഗ്ലണ്ടിനെ നയിക്കുന്ന മൊയീൻ അലി. ഈ ദൗത്യം ഏറ്റെടുക്കുന്നതിൽ അഭിമാനിക്കുന്നു എന്ന് പറഞ്ഞു. ക്യാപ്റ്റൻ ആയിരിക്കുക എന്നത് വലിയ ബഹുമതിയാണ്. മത്സരത്തിന് മുന്നോടിയായി മൊയിൻ പറഞ്ഞു. അത് പാകിസ്ഥാനിൽ വളരെക്കാലത്തിന് ശേഷം മടങ്ങിവരുമ്പോൾ ആകുന്നു എന്നത് കൂടുത സന്തോഷം നൽകുന്നു. ഇവിടെ നിന്ന് കുടിയേറിയ കുടുംബമാണ് തന്റേത്. അതുകൊണ്ട് തന്നെ പാകിസ്താബെതിരെ ഇംഗ്ലണ്ട് ടീമിനെ നയിക്കുന്നത് അത്ഭുതകരമാണ്. അദ്ദേഹം കൂട്ടിച്ചേർത്തു.

ഞാൻ എന്റെ മതത്തെയും മാതാപിതാക്കളെയും പ്രതിനിധാനം ചെയ്യുന്നതായി എനിക്ക് തോന്നുന്നു. എനിക്കും എന്റെ കുടുംബത്തിനും, എന്റെ അമ്മയ്ക്കും അച്ഛനും, എല്ലാവർക്കും ഇത് വളരെ അഭിമാനകരമായ നിമിഷമാണ്. ഞാൻ പ്രതിനിധീകരിക്കുന്നതായി എനിക്ക് തോന്നുന്ന എല്ലാവരും എന്നെ സംബന്ധിച്ചിടത്തോളം വളരെ സന്തുഷ്ടരാണ്, ”അദ്ദേഹം കൂട്ടിച്ചേർത്തു

മൊയീൻ അലിയുടെ മുത്തച്ഛൻ രണ്ടാം ലോക മഹായുദ്ധത്തിന് ശേഷം ഇംഗ്ലണ്ടിലേക്ക് കുടിയേറിയതായിരുന്നു.

“എല്ലാ ക്രിക്കറ്റ് രാജ്യങ്ങളിലും ക്രിക്കറ്റ് കളിക്കാൻ ആഗ്രഹിക്കുന്ന ഒരാളാണ് ഞാൻ. ഇംഗ്ലണ്ട് പാകിസ്ഥാനിലേക്ക് വന്നു എന്നത് വലിയ കാര്യമാണ് എന്നും അദ്ദേഹം കൂട്ടിച്ചേർത്തു.