Tag: Lasith Malinga

ഓസ്ട്രേലിയയ്ക്കെതിരെ മൂന്ന് ടി20 മത്സരങ്ങളുടെ പരമ്പരയ്ക്കുള്ള ശ്രീലങ്കന്‍ ടീമിലേക്ക് മടങ്ങിയെത്തി ലസിത് മലിംഗ. ഒക്ടോബര്‍ 27നാണ് പരമ്പര ആരംഭിക്കുന്നത്. പാക്കിസ്ഥാന്‍ പരമ്പരയില്‍ വിട്ട് നിന്ന പത്ത് താരങ്ങളില്‍ മലിംഗ, നിരോഷന്‍ ഡിക്ക്വെല്ല, കുശല്‍ പെരേര എന്നിവര്‍ ടീമിലേക്ക് മടങ്ങിയെത്തുന്നു. പരിക്കേറ്റ് ടീമില്‍ നിന്ന് പുറത്തായിരുന്ന കുശല്‍ മെന്‍ഡിസും ടീമിലേക്ക് മടങ്ങിയെത്തുന്നു.

അഡിലെയ്ഡില്‍ ഒക്ടോബര്‍ 27ന് ആദ്യ മത്സരത്തിന് ശേഷം ബ്രിസ്ബെയിനില്‍ ഒക്ടോബര്‍ 30ന് രണ്ടാം മത്സരവും നവംബര്‍ 1ന് മെല്‍ബേണില്‍ മൂന്നാം മത്സരവും നടക്കും.

ശ്രീലങ്ക: ലസിത് മലിംഗ, കുശല്‍ പെരേര, കുശല്‍ മെന്‍‍ഡിസ്, ധനുഷ്ക ഗുണതിലക, അവിഷ്ക ഫെര്‍ണാണ്ടോ, നിരോഷന്‍ ഡിക്ക്വെല്ല, ദസുന്‍ ഷനക, ഷെഹാന്‍ ജയസൂര്യ, ഭനുക രാജപക്സ, ഒഷാഡ ഫെര്‍ണാണ്ടോ, വനിന്‍ഡു ഹസരംഗ, ലക്ഷന്‍ സണ്ടകന്‍, നുവാന്‍ പ്രദീപ്, ലഹിരു കുമര, ഇസ്രു ഉഡാന, കസുന്‍ രജിത

ന്യൂസിലാണ്ടിനെതിരെ ലങ്ക തങ്ങളുടെ കഴിവിന്റെ പരമാവധി ശ്രമിച്ചുവെന്ന് പറഞ്ഞ് ശ്രീലങ്കന്‍ നായകന്‍ ലസിത് മലിംഗ. തന്റെ ടീമിലെ യുവതാരങ്ങള്‍ അവര്‍ക്കാവുന്ന തരത്തില്‍ പൊരുതി മികച്ച സ്കോര്‍ നേടിയിരുന്നു. ബൗളിംഗിലും ശക്തമായി തന്നെ ശ്രീലങ്ക പൊരുതിയെങ്കിലും നിര്‍ണ്ണായക ഘട്ടങ്ങളില്‍ ഭാഗ്യം തുണച്ചില്ലെന്ന് ലസിത് മലിംഗ പറഞ്ഞു. ശ്രീലങ്ക കളിച്ച ക്രിക്കറ്റില്‍ താന്‍ സന്തുഷ്ടനാണെന്നും ഇത്തരത്തിലാണ് താന്‍ ഇനി ടീമെന്ന നിലയില്‍ ലങ്കയില്‍ നിന്ന് പ്രതീക്ഷിക്കുന്ന പ്രകടനമെന്നും ലസിത് മലിംഗ വ്യക്തമാക്കി.

ടീമിലെ യുവതാരങ്ങള്‍ക്ക് വേണ്ടത്ര സ്വാതന്ത്ര്യം നല്‍കുകയാണ് തന്റെ ലക്ഷ്യമെന്നും അവര്‍ മെച്ചപ്പെട്ട് കൊണ്ടേയിരിക്കുകയാണ്. മികച്ച പ്രകടനം പുറത്തെടുത്താല്‍ പരാജയത്തില്‍ വലിയ കാര്യമില്ലെന്നും ലസിത് മലിംഗ പറഞ്ഞു. അവസാന മത്സരത്തില്‍ തങ്ങള്‍ വിജയത്തിനായി ശ്രമിക്കുമെന്നും അതേ സമയം ബെഞ്ച് സ്ട്രെംഗ്ത് പരീക്ഷിക്കുവാനും ശ്രമിക്കുമെന്ന് മലിംഗ പറഞ്ഞു.

ലസിത് മലിംഗ തന്റെ അവസാനത്തെ ഏകദിന മത്സരത്തിനിറങ്ങുന്ന ബംഗ്ലാദേശിനെതിരെയുള്ള ആദ്യ ഏകദിനത്തില്‍ ലങ്കയ്ക്ക് ബാറ്റിംഗ്. ടോസ് നേടിയ ലങ്കന്‍ നായകന്‍ ദിമുത് കരുണാരത്നേ ബാറ്റിംഗ് തിരഞ്ഞെടുക്കുകയായിരുന്നു. ലോകകപ്പില്‍ അത്ര ശ്രദ്ധേയമായ പ്രകടനം പുറത്തെടുക്കാനാകാതെ ലങ്ക മടങ്ങിയപ്പോള്‍ ബംഗ്ലാദേശ് മികവ് പുലര്‍ത്തിയെങ്കിലും കാര്യമായ മെച്ചം പോയിന്റ് പട്ടികയില്‍ നേടുവാനായിരുന്നില്ല.

ശ്രീലങ്ക: ദിമുത് കരുണാരത്നേ, കുശല്‍ പെരേര, അവിഷ്ക ഫെര്‍ണാണ്ടോ, കുശല്‍ മെന്‍ഡിസ്, ആഞ്ചലോ മാത്യൂസ്, ലഹിരു തിരിമന്നേ, ധനന്‍ജയ ഡി സില്‍വ, തിസാര പെരേര, നുവാന്‍ പ്രദീപ്, ലഹിരു കുമര, ലസിത് മലിംഗ

ബംഗ്ലാദേശ്: തമീം ഇക്ബാല്‍, സൗമ്യ സര്‍ക്കാര്‍, മുഷ്ഫിക്കുര്‍ റഹിം, മുഹമ്മദ് മിഥുന്‍, മഹമ്മദുള്ള, മൊസ്ദേക്ക് ഹൊസൈന്‍, സബ്ബിര്‍ റഹ്മാന്‍, മെഹ്ദി ഹസന്‍, റൂബല്‍ ഹൊസൈന്‍, ഷൈഫുള്‍ ഇസ്ലാം, മുസ്തഫിസുര്‍ റഹ്മാന്‍

ബംഗ്ലാദേശിനെതിരെയുള്ള ആദ്യ ഏകദിനത്തിന് ശേഷം ഏകദിനത്തില്‍ നിന്ന് വിരമിക്കുന്ന ലസിത് മലിംഗയുടെ പ്രതീക്ഷ തനിക്ക് 2020 ലോകകപ്പ് കളിക്കാനാകുമെന്നാണ്. ഒക്ടോബര്‍-നവംബര്‍ 2020ല്‍ ഓസ്ട്രേലിയയില്‍ നടക്കുന്ന ലോകകപ്പ് ടി20യില്‍ കളിക്കുക എന്നതാണ് ലസിത് മലിംഗ തന്റെ ലക്ഷ്യമായി മുന്നോട്ട് വയ്ക്കുന്നത്. നേരത്തെ തന്നെ എന്നാവും തന്റെ ഏകദിനത്തിലെ വിരമിക്കലെന്ന് ലസിത് മലിംഗ് വ്യക്തമാക്കിയിരുന്നു.

തന്റെ ഭാര്യയയുടെ ഫേസ്ബുക്ക് അക്കൗണ്ടിലൂടെ തന്റെ അവസാന ഏകദിന മത്സരം കാണുവാന്‍ ആരാധകരോട് താരം ആവശ്യപ്പെട്ടിട്ടുണ്ട്. തന്നെക്കാളും മികച്ച താരങ്ങളുണ്ടേല്‍ ടി20 ലോകകപ്പില്‍ നിന്ന് തന്നെ ഒഴിവാക്കിയാലും പ്രശ്നമില്ലെന്ന് പറഞ്ഞ ലസിത് മലിംഗ തനിക്ക് ലോകകപ്പ് 2020ല്‍ കളിക്കാനാകുമെന്നാണ് പ്രതീക്ഷ വയ്ക്കുന്നത്. ടി20യില്‍ മലിംഗ നൂറ് വിക്കറ്റെന്ന നേട്ടം സ്വന്തമാക്കുവാന്‍ മൂന്ന് വിക്കറ്റുകള്‍ മാത്രം അകലെയാണ്.

ഈ നേട്ടം കൈവരിക്കാനായാല്‍ ലോകത്തിലെ തന്നെ ഈ നേട്ടം നേടുന്ന ആദ്യ താരം കൂടിയാവും ലസിത് മലിംഗ. ഇപ്പോള്‍ ലസിത് മലിംഗയ്ക്ക് നിലവില്‍ ഏറ്റവും അധികം ടി20 വിക്കറ്റ് നേടിയ ഷഹീദ് അഫ്രീദിയെ മറികടക്കുവാന്‍ 2 വിക്കറ്റ് കൂടിയാണ് വേണ്ടത്.

ബംഗ്ലാദേശിന്റെ ശ്രീലങ്കന്‍ പര്യടനത്തിലെ ആദ്യ ഏകദിനം ലസിത് മലിംഗയുടെ വിരമിക്കല്‍ മത്സരമായിരിക്കുമെന്ന് താരം. ജൂലൈ 26ന് കൊളംബോയിലെ ആര്‍ പ്രേമദാസ സ്റ്റേഡിയത്തില്‍ നടക്കുന്ന പരമ്പരയിലെ ആദ്യ മത്സരത്തില്‍ ലസിത് മലിംഗ കളിക്കുമെങ്കിലും ആ മത്സരത്തിന് ശേഷം താരം വിരമിക്കുമെന്നാണ് അറിയുവാന്‍ കഴിയുന്നത്. ഇക്കഴിഞ്ഞ ലോകകപ്പില്‍ ശ്രീലങ്കയുടെ ബൗളിംഗിനെ ഒറ്റയ്ക്ക് ചുമലിലേറ്റിയ താരം തന്റെ അവസാന ലോകകപ്പ് മത്സരത്തില്‍ ലോകേഷ് രാഹുലിനെ പുറത്താക്കി വസീം അക്രമിന്റെ 55 ലോകകപ്പ് വിക്കറ്റെന്ന റെക്കോര്‍ഡ് മറികടക്കുകയായിരുന്നു. 28 ഇന്നിംഗ്സുകളില്‍ നിന്നായി 56 വിക്കറ്റുകള്‍ നേടിയാണ് മലിംഗ ലോകകപ്പില്‍ നിന്ന് വിടപറയുന്നത്.

മലിംഗ 225 മത്സരങ്ങളാണ് ഇതുവരെ ഏകദിനത്തില്‍ കളിച്ചിട്ടുള്ളത്. ബംഗ്ലാദേശിനെതിരെയുള്ള മത്സരത്തോടെ 226 ഏകദിനങ്ങളുമായി താരം റിട്ടയര്‍ ചെയ്യും. 335 വിക്കറ്റുകളാണ് താരം നേടിയിട്ടുള്ളത്. 2004ല്‍ യുഎഇയ്ക്കെതിരെയാണ് തന്റെ ഏകദിന അരങ്ങേറ്റം മലിംഗ നടത്തിയത്. ഏകദിനത്തില്‍ നിന്ന് വിരമിച്ചുവെങ്കിലും താരം തുടര്‍ന്നും ടി20 ക്രിക്കറ്റില്‍ സജീവമായിരിക്കും.