ടൂര്ണ്ണമെന്റിൽ പ്രതീക്ഷ തുടക്കമല്ല ലഭിച്ചത്, മികച്ച ക്രിക്കറ്റ് ടീം കളിച്ചില്ല – ഹര്മ്മന്പ്രീത് കൗര്
ഇന്ത്യയുടെ ടി20 ലോകകപ്പ് ആദ്യ മത്സരത്തിൽ കനത്ത തോൽവിയാണ് ടീം ന്യൂസിലാണ്ടിനെതിരെ നേരിട്ടത്. തങ്ങളുടെ മികച്ച ക്രിക്കറ്റല്ല ടീം പുറത്തെടുത്തതെന്നാണ് മത്സരശേഷം ടീം ക്യാപ്റ്റന് ഹര്മ്മന്പ്രീത് കൗര് വ്യക്തമാക്കിയത്. ഇനി ഓരോ മത്സരവും വളരെ പ്രാധാന്യമേറിയതാണെന്നും തങ്ങളുടെ ഏറ്റവും മികച്ച ക്രിക്കറ്റ് പുറത്തെടുക്കേണ്ട സാഹചര്യമാണുള്ളതെന്നും ഹര്മ്മന്പ്രീത് കൂട്ടിചേര്ത്തു.
അവസരങ്ങള് ടീം സൃഷ്ടിച്ചുവെങ്കിലും മുന്നോട്ട് പോകുമ്പോള് മെച്ചപ്പെടുത്തുവാന് ഒട്ടനവധി മേഖലകള് ഉണ്ടെന്നത് ബോധ്യമായിട്ടുണ്ടെന്നും ഹര്മ്മന്പ്രീത് വ്യക്തമാക്കി. ഈ ടൂര്ണ്ണമെന്റിൽ പ്രതീക്ഷിച്ച തുടക്കമല്ല ഇതെന്നും കൗര് പറഞ്ഞു.