തങ്ങളെ ഫൈനലില് നേരിടുന്നവര് പേടിക്കണം, കാരണം ടീമിന്റെ ഏറ്റവും മികച്ച പ്രകടനം പുറത്ത് വന്നിട്ടില്ല – മാത്യു ഹെയ്ഡന്
പാക്കിസ്ഥാന് ടീമിനെ ആരാണോ ഫൈനലില് നേരിടുന്നത് അവര് പേടിക്കേണ്ടതുണ്ടെന്ന് പറഞ്ഞ് ടീം മെന്റര് മാത്യു ഹെയ്ഡന്. ടീമിന്റെ ഏറ്റവും മികച്ച പ്രകടനം ഇതുവരെ വന്നിട്ടില്ലെന്നാണ് താന് കരുതുന്നതെന്നും അതിനാൽ തന്നെ തങ്ങളെ ഫൈനലില് നേരിടുന്നവര് കരുതിയിരിക്കണം എന്നും ഹെയ്ഡന് സൂചിപ്പിച്ചു.
പാക്കിസ്ഥാനെ അവരുടെ ദിവസത്തിൽ ആര്ക്കും പിടിച്ച് കെട്ടാനാവില്ലെന്നും ബാബറും റിസ്വാനും ഇന്ന് ചെയ്തത് അവര് വര്ഷങ്ങളായി ചെയ്യുന്ന കാര്യം ആണെന്നും ഹെയ്ഡന് കൂട്ടിചേര്ത്തു.
അവിശ്വസനീയമായ ഫാസ്റ്റ് ബൗളിംഗ് ആണ് ടീം ടൂര്ണ്ണമെന്റിലുടനീളം കാഴ്ചവെച്ചതെന്നും ഹെയ്ഡന് പറഞ്ഞു.