ബംഗാളിനെ തോൽപ്പിച്ച് സൗരാഷ്ട്ര രഞ്ജി ട്രോഫി കിരീടം സ്വന്തമാക്കി

രഞ്ജി ട്രോഫി കിരീടം സൗരാഷ്ട്ര സ്വന്തമാക്കി. ബംഗാളിനെ രണ്ടാം ഇന്നിങ്സിൽ 241ന് പുറത്താക്കിയ സൗരാഷ്ട്രക്ക് വിജയിക്കാൻ തുച്ഛമായ റൺസ് മാത്രമെ വേണ്ടിയിരുന്നുള്ളൂ. ഒരു വിക്കറ്റ് നഷ്ടത്തിൽ 14 റൺസ് എടുത്തപ്പോൾ തന്നെ അവർ വിജയം ഉറപ്പിച്ചു. ക്യാപ്റ്റൻ ഉനദ്കട് ആണ് ഫൈനലിലെ പ്ലയർ ഓഫ് ദി മാച്ച് ആയത്.

രഞ്ജി ഫൈനലിലെ ആദ്യ ഇന്നിങ്സിൽ 174 റൺസിന് ഓൾ ഔട്ടായിരുന്നു. അതിനു പകരം ഇറങ്ങിയ സൗരാഷ്ട്ര 404 എന്ന വലിയ സ്കോർ നേടിയതോടെ കളി സൗരാഷ്ട്രക്ക് അനുകൂലമാവുക ആയിരുന്നു. വലിയ ലീഡ് നേടിയ സൗരാഷ്ട്ര രണ്ടാം ഇന്നിംഗ്സിൽ ബംഗാളിനെ 241ന് പുറത്താക്കി. മനോജ് തിവാരി 68 റൺസും മജുംദാർ 61 റൺസും എടുത്തത് കൊണ്ട് ബംഗാളിന് ഇന്നിംഗ്സ് തോൽവി ഒഴിവാക്കാൻ സാധിച്ചു.

ഉനദ്കട് രണ്ടാം ഇന്നിങ്സിൽ 6 വിക്കറ്റും ആദ്യ ഇന്നിംഗ്സിൽ 3 വിക്കറ്റും വീഴ്ത്തിയാണ് കളിയിലെ താരമായത്. ചേതൻ സകറിയ രണ്ടാം ഇന്നിങ്സിൽ മൂന്ന് വിക്കറ്റും സൗരാഷ്ട്രക്ക് ആയി വീഴ്ത്തി.