സെമിയിലേക്ക് കടന്ന് സൈന, പരാജയപ്പെടുത്തിയത് ലോക രണ്ടാം നമ്പര്‍ താരത്തെ

ലോക രണ്ടാം നമ്പര്‍ താരം ജപ്പാന്റെ നൊസോമി ഒക്കുഹാരയെ കീഴ്പ്പെടുത്തി മലേഷ്യ മാസ്റ്റേഴ്സിന്റെ സെമിയില്‍ കടന്ന് ഇന്ത്യയുടെ സൈന നെഹ്‍വാല്‍. നേരിട്ടുള്ള ഗെയിമുകളിലായിരുന്നു ഇന്ത്യന്‍ താരത്തിന്റെ വിജയം. 48 മിനുട്ട് നീണ്ട പോരാട്ടത്തില്‍ ഇരു ഗെയിമുകളിലും പൊരുതിയ ശേഷമാണ് ജപ്പാന്‍ താരം കീഴടങ്ങിയത്.

സ്കോര്‍: 21-18, 23-21. മറ്റൊരു മത്സരത്തില്‍ സ്പെയിനിന്റെ കരോളിന മരിനും ജയം സ്വന്തമാക്കി സെമിയില്‍ കടന്നിട്ടുണ്ട്. ദക്ഷിണ കൊറിയന്‍ താരത്തെ 21-13, 21-13 എന്ന സ്കോറിനു കീഴടക്കിയാണ് മരിന്‍ വിജയം കുറിച്ചത്. സെമിയില്‍ സൈനയും മരിനുമാണ് ഏറ്റുമുട്ടുന്നത്.