ഇതിഹാസം ലിന്‍ ഡാനിനെ വീഴ്ത്തി സായി പ്രണീത്, സൗരവ് വര്‍മ്മ പൊരുതി വീണു

Sports Correspondent

Download the Fanport app now!
Appstore Badge
Google Play Badge 1

രണ്ട് തവണ ഒളിമ്പിക്സ് ജേതാവും അഞ്ച് തവണ ലോക ചാമ്പ്യനുമായ ലിന്‍ ഡാനിനെതിരെ നേരിട്ടുള്ള ഗെയിമുകളില്‍ വിജയം നേടി ഇന്ത്യയുടെ സായി പ്രണീത്. ഇതുവരെ മൂന്ന് മത്സരങ്ങളില്‍ ഇരുവരും ഏറ്റുമുട്ടിയപ്പോള്‍ ഇന്ത്യന്‍ താരത്തിന്റെ ആദ്യ വിജയം കൂടിയാണ് ഇത്. 21-14, 21-17 എന്ന സ്കോറിനാണ് ഡെന്മാര്‍ക്ക് ഓപ്പണിന്റെ ആദ്യ റൗണ്ടില്‍ സായി പ്രണീത് വിജയം കുറിച്ചത്. ലിന്‍ ഡാനിനെ പരാജയപ്പെടുത്തുന്ന അഞ്ചാമത്തെ ഇന്ത്യന്‍ താരമാണ് സായി പ്രണീത്. പുലേല ഗോപിചന്ദ്, എച്ച് എസ് പ്രണോയ്, ശ്രീകാന്ത് കിഡംബി, ശുഭാങ്കര്‍ ഡേ എന്നിവരാണ് ഇതിന് മുമ്പ് ഡാനിനെതിരെ വിജയം നേടിയ ഇന്ത്യന്‍ താരങ്ങള്‍.

അതേ സമയം പ്രണോയ്‍യ്ക്ക് പകരക്കാരനായി എത്തിയ സൗരഭ് വര്‍മ്മ ലോക റാങ്കിംഗില്‍ 34ാം നമ്പര്‍ താരമായ മാര്‍ക്ക് കാല്‍ജൗവിനോട് മൂന്ന് ഗെയിം പോരാട്ടത്തില്‍ പരാജയമേറ്റുവാങ്ങി. ആദ്യ ഗെയിം താരം ജയിച്ചുവെങ്കിലും പിന്നീട് മത്സരത്തില്‍ കാലിടറുകയായിരുന്നു സൗരഭ്. സ്കോര്‍: 21-19, 11-21, 17-21.