ചൈന ഓപ്പണ്‍ ബാഡ്മിന്റണില്‍ നിന്ന് പുറത്തായി ശ്രീകാന്ത് കിഡംബി. ജപ്പാന്റെ കെന്റോ മോമോട്ടയോട് 9-21, 11-21 എന്ന സ്കോറിനാണ് ശ്രീകാന്തിന്റെ തോല്‍വി. ഇത് തുടര്‍ച്ചയായ അഞ്ചാം തവണയാണ് ഇരുവരും ഏറ്റുമുട്ടുമ്പോള്‍ ജപ്പാന്‍ താരത്തിനു വിജയം സ്വന്തമാക്കുവാനാകുന്നത്. പുരുഷ വിഭാഗത്തിലെ ഇന്ത്യയുടെ അവസാന പ്രതീക്ഷയായിരുന്നു ശ്രീകാന്ത്. നിലവിലെ ലോക ചാമ്പ്യന്‍ കൂടിയാണ് കെന്റോ മോമോട്ട.
വെറും 28 മിനുട്ടില്‍ ജപ്പാന്‍ താരം ഇന്ത്യന്‍ ഒന്നാം നമ്പര്‍ താരത്തെ കെട്ടുകെട്ടിയ്ക്കുകയായിരുന്നു.
