ഏഷ്യൻ ഗെയിംസിൽ അത്ലറ്റിക്സിൽ ഇന്ത്യക്ക് ഒരു മെഡൽ കൂടെ. 35 കിലോമീറ്റർ റേസ് മിക്സ്ഡ് നടത്തത്തിൽ ആണ് ഇന്ത്യ വെങ്കലം നേടിയത്. 5 മണിക്കൂർ 51 മിനിറ്റും 14 സെക്കൻഡും കൊണ്ട് ഫിനിഷ് ചെയ്ത് ഇന്ത്യൻ അത്‌ലറ്റുമാരായ മഞ്ജു റാണിയും രാം ബാബുവും ആണ് മിക്‌സഡ് ടീം വെങ്കല മെഡൽ നേടിയത്.
35 കിലോമീറ്റർ റേസ് വാക്ക് മിക്‌സഡ് ടീം ഇനത്തിൽ 5:16:41 എന്ന ടൈമിൽ ഫിനിഷ് ചെയ്ത് ചൈന സ്വർണ്ണ മെഡൽ ഉറപ്പിച്ചു, തൊട്ടുപിന്നാലെ 5:22:11 സമയത്തിൽ ജപ്പാൻ വെള്ളി മെഡലും നേടി.
അത്ലറ്റിക്സിൽ ഇന്ത്യക്ക് ഇത് 23ആം മെഡൽ ആണ്. നാല് സ്വർണവും പത്ത് വെള്ളിയും ഒമ്പത് വെങ്കലവും ഉൾപ്പെടെ ആണ് 23 മെഡലുകൾ അത്ലറ്റിക്സിൽ ഇന്ത്യ ഇതുവരെ നേടിയത്.
