12 വർഷങ്ങൾക്ക് ശേഷം റയൽ മാഡ്രിഡ് ഗോൾ കീപ്പർ ലാലിഗയിൽ മികച്ച കീപ്പർ

ലാലിഗയിലെ മികച്ച ഗോൾ കീപ്പർക്കുള്ള സമോര ട്രോഫി അവസാനം ഒരു റയൽ മാഡ്രിഡ് ഗോൾ കീപ്പർക്ക് ലഭിച്ചു. റയലിന്റെ ഒന്നാം നമ്പർ തിബ കൊർതോയിസ് ആണ് ലീഗിൽ ഈ സീസണിൽ ഏറ്റവും കൂടുതൽ ക്ലീൻ ഷീറ്റുകൾ ഉള്ള ഗോൾ കീപ്പർക്ക് ലഭിക്കുന്ന സമോര ട്രോഫി സ്വന്തമാക്കിയത്. ഒരുപാട് വിമർശനങ്ങൾ കഴിഞ്ഞ സീസണിൽ കേട്ടിരുന്ന കോർതോയ്ക്ക് ഈ ട്രോഫി വലിയ അംഗീകാരമാണ്.

ഈ സീസണിൽ താരം 20 ക്ലീൻ ഷീറ്റുകളാണ് സ്വന്തമാക്കിയത്. അവസാന നാലു സീസണുകളിലും സമോര ട്രോഫി സ്വന്തമാക്കിയിരുന്ന ഒബ്ലകിനെ മറികടന്നാണ് കോർതോ ഈ പുരസ്കാരം സ്വന്തമാക്കിയത്. മുമ്പ് അത്ലറ്റിക്കോ മാഡ്രിഡിൽ കളിക്കുമ്പോൾ രണ്ട് തവണ കോർതോ ഈ പുരസ്കാരം നേടിയിട്ടുണ്ട്. 2008ൽ കസിയസ് സമോര ട്രോഫി നേടിയതിന് ശേഷം ആദ്യമായാണ് ഒരു റയൽ മാഡ്രിഡ് താരം ഈ പുരസ്കാരം നേടുന്നത്.