ഹൈദരബാദ് എഫ് സിയെയും തോൽപ്പിച്ച് ഒഡീഷ ലീഗിൽ ഒന്നാമത്

ഇന്ത്യൻ സൂപ്പർ ലീഗിൽ ഒഡീഷ എഫ് സി ഒന്നാം സ്ഥാനത്ത്. ഇന്ന് ഹൈദരാബാദ് എഫ് സിയെ തോൽപ്പിച്ച് ആണ് ഒഡീഷ ഒന്നാം സ്ഥാനത്തേക്ക് എത്തിയത്. ഹൈദരാബാദിൽ നടന്ന മത്സരത്തിൽ എതിരില്ലാത്ത മൂന്നു ഗോളുകൾക്ക് ആയിരുന്നു വിജയം. തീർത്തും ഏകപക്ഷീയമായിരുന്നു മത്സരം. കളിയുടെ 27ആം മിനുട്ടിൽ ഡിയേഗോ മൊറീസിയോയിലൂടെ ഒഡീഷ മുന്നിൽ എത്തി.

ആദ്യ പകുതിയുടെ അവസാനം റോയ് കൃഷ്ണയിലൂടെ അവർ ലീഡ് ഇരട്ടിയാക്കി. രണ്ടാം പകുതിയിൽ ഡിയേഗോ മൗറീസിയോ ഒരിക്കൽ കൂടെ വക കുലുക്കിയതോടെ അവരുടെ വിജയം പൂർത്തിയാക്കി. ഈ വിജയത്തോടെ ഒഡീഷയ്ക്ക് 14 മത്സരങ്ങളിൽ നിന്ന് 30 പോയിന്റായി. രണ്ടാം സ്ഥാനത്തുള്ള ഗോവയ്ക്ക് 11 മത്സരങ്ങളിൽ നിന്ന് 27 പോയിന്റ് ഉണ്ട്.