കെയിന് റിച്ചാര്ഡ്സണിന് പകരക്കാരനെ കണ്ടെത്തി ആര്സിബി, മുംബൈയുടെ ബയോ ബബിളില് ഉണ്ടായിരുന്ന താരത്തെയാണ് ഫ്രാഞ്ചൈസി ടീമിലെത്തിച്ചിരിക്കുന്നത്
ന്യൂസിലാണ്ട് പേസര് സ്കോട്ട് കുഗ്ഗെലൈനിനെ സ്വന്തമാക്കി റോയല് ചലഞ്ചേഴ്സ് ബാംഗ്ലൂര്. ഐപിഎലില് നിന്ന് നാട്ടിലേക്ക് മടങ്ങിയ കെയിന് റിച്ചാര്ഡ്സണ് പകരം ആണ് താരത്തെ ആര്സിബി സ്വന്തമാക്കിയിരിക്കുന്നത്. മുംബൈ ഇന്ത്യന്സിന്റെ റിസര്വ് താരമായി ഇന്ത്യയില് എത്തിയ താരം അവരുടെ ബയോ ബബിളിന്റെ ഭാഗമായി തുടരുകയായിരുന്നു.
രണ്ട് താരങ്ങളാണ് ആര്സിബി നിരയില് നിന്ന് പോയത്. റിച്ചാര്ഡ്സണ് പുറമെ ആഡം സംപയാണ് പുറത്ത് പോയ മറ്റൊരു താരം. 2019ല് ചെന്നൈ സൂപ്പര് കിംഗ്സിന് വേണ്ടി കളിച്ചട്ടുള്ള താരമാണ് സ്കോട്ട്.