പൃഥ്വി ഷായെ ഡൽഹി ക്യാപിറ്റൽസ് നിലനിർത്തി, ശാർദുലിനെ കെ കെ ആർ റിലീസ് ചെയ്തു

പൃഥ്വി ഷായെ നിലനിർത്താൻ തീരുമാനിച്ച് ഡൽഹി ക്യാപിറ്റൽസ്. താരത്തിന്റെ ഫോമിനെ കുറിച്ച് ആലോചിച്ച് യാതൊരു ആശങ്കയും ഡൽഹി മാനേജ്മെന്റിനില്ല. ഷായുടെ ടാലന്റിന്റെ വിശ്വസിക്കാൻ ആണ് അവരുടെ തീരുമാനം. കൗണ്ടി ക്രിക്കറ്റ് മത്സരത്തിനിടെ കാൽമുട്ടിനേറ്റ പരിക്കേറ്റ പൃഥ്വി ഷാ ഇപ്പോൾ തിരിച്ചുവരവിന്റെ പാതയിലാണ്.

ഓൾറൗണ്ടർ ശാർദുൽ താക്കൂറിനെ കൊൽക്കത്ത നൈറ്റ് റൈഡേഴ്സ് റിലീസ് ചെയ്യാനും തീരുമാനിച്ചു. ഓക്ഷനിൽ പകരം മികച്ച താരങ്ങളെ സ്വന്തമാക്കാൻ ആയാണ് കെ കെ ആർ ശർദ്ധുലിനെ റിലീസ് ചെയ്തത്. കൊൽക്കത്ത നൈറ്റ് റൈഡേഴ്സിൻ 10.75 കോടി രൂപയുടെ ബഡ്ജറ്റ് ഈ നീക്കത്തോടെ ലഭിക്കും.