പേസർ മുകേഷ് കുമാർ അടുത്ത ഷമി ആകും എന്ന് വെറ്ററൻ സ്പിന്നർ രവിചന്ദ്രൻ അശ്വിൻ. മുഹമ്മദ് ഷമിയെ അനുകരിക്കാൻ മുകേഷിന് കഴിവുണ്ടെന്ന് അശ്വിൻ പറയുന്നു. മുകേഷ് കുമാറിന് യോർക്കറുകൾ ഇഷ്ടാനുസരണം ചെയ്യാനുള്ള കഴിവ് ഉണ്ടെന്നും അശ്വിൻ പറഞ്ഞു.
“മുഹമ്മദ് സിറാജ് ജൂനിയർ ഷമിയാകുമെന്ന് ഞാൻ ആദ്യം കരുതി, പക്ഷേ അത് മുകേഷ് കുമാറാകാമെന്ന് ഇപ്പോൾ തോന്നുന്നു. ഷമിയെ ഞങ്ങ്ങൾ ‘ലാല’ എന്ന് വിളിക്കുന്നു, മോഹൻലാൽ എന്ന നടനോടുള്ള ആദരസൂചകമായാണ് ഷമിയെ താൻ ലാലേട്ടൻ എന്നാണ് വിളിക്കുന്നത് എന്നും അശ്വിൻ പറഞ്ഞു.
“മുകേഷിന് ഷമിയുടെ സമാനമായ ബിൽഡും സമാനമായ ഉയരവും മികച്ച റിസ്റ്റ് പൊസിഷനും ഉണ്ട്. പന്തിൽ നല്ല സ്വിംഗ് കണ്ടെത്താനും അദ്ദേഹത്തിനാകും. വെസ്റ്റിൻഡീസിന് എതിരായ പരമ്പരയിൽ അദ്ദേഹം നന്നായി പന്തെറിഞ്ഞു. വെസ്റ്റ് ഇൻഡീസിലും ബാർബഡോസിൽ നടന്ന പരിശീലന മത്സരത്തിലും മികച്ച പ്രകടനം പുറത്തെടുത്തു,” അശ്വിൻ കൂട്ടിച്ചേർത്തു.
