ജര്‍മ്മനിയെ കെട്ടുകെട്ടിച്ച് ബെല്‍ജിയം

ലോകകപ്പ് ഹോക്കിയുടെ സെമി ഫൈനലില്‍ കടന്ന് ബെല്‍ജിയം. ഇന്ന് നടന്ന ക്വാര്‍ട്ടര്‍ ഫൈനല്‍ മത്സരത്തില്‍ പിന്നില്‍ നിന്ന് പൊരുതിക്കയറിയാണ് ബെല്‍ജിയം ജയം സ്വന്തമാക്കിയത്. 2-1 എന്ന സ്കോറിനായിരുന്നു ടീമിന്റെ വിജയം. ആദ്യ പകുതിയില്‍ ഇരു ടീമുകളും ഓരോ ഗോള്‍ വീതം നേടി സമനിലയില്‍ പിരിഞ്ഞു.

14ാം മിനുട്ടില്‍ ഡിറ്റെര്‍ ലിന്നേകോഗെല്‍ ആണ് ജര്‍മ്മനിയെ മുന്നിലെത്തിച്ചത്. എന്നാല്‍ മിനുട്ടുകള്‍ക്കകം അലക്സാണ്ടര്‍ ഹെന്‍ഡ്രിക്സ് ബെല്‍ജിയത്തെ ഒപ്പമെത്തിച്ചു. എന്നാല്‍ രണ്ടാം പകുതി അവസാന ഘട്ടത്തിലേക്ക് കടന്നപ്പോള്‍ ടോം ബൂണ്‍ 50ാം മിനുട്ടില്‍ ബെല്‍ജിയത്തിന്റെ വിജയ ഗോള്‍ നേടി.